kanal1

Kamaləddin Qafarov: “ Postpandemiya dövrünün ilkin mərhələsində ehtiyatlı olmalıyıq”

Tarix:28-04-2022, 08:42
Baxış Sayı:38 590

Kamaləddin Qafarov: “ Postpandemiya dövrünün ilkin mərhələsində ehtiyatlı olmalıyıq”




“Nazirlər Kabinetinin qərarına əsasən, 2022-ci il may ayının 1-dən etibarən, Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində tətbiq olunan xüsusi karantin rejimində tənəffüs yollarını qoruyan fərdi vasitələrdən, tibbi maskalardan istifadə tələbi ləğv edilir. Ölkə Prezidenti cənab İlham Əliyevin rəhbərliyi altında Azərbaycan dövləti pandemiyanın fəsadlarını minimuma endirmək üçün bütün zəruri qabaqlayıcı tədbirləri vaxtında və yüksək effektivliklə həyata keçirib. Məhz bu səbəbdən də respublikamız dünyada postpandemiya dövrünə ən az itkilərlə daxil olan ölkələr sıraındadır”.

Bu sözləri mətbuata açıqlamasında Azərbaycan Respublikası Milli Məclisinin deputatı Kamaləddin Qafarov deyib. Millət vəkili bildirib:

“Pandemiya dövrünün ilk günlərindən Azərbaycan Prezidenti cənab İlham Əliyev tərəfindən məhz insan sağlamlığı faktoru əsas prioritet elan olundu. Dövlət başçımızın rəhbərliyi ilə ölkəmizdə infeksiyanın insanlar arasında geniş şəkildə yayılmasının qarşısının alınması üçün vaxtında həyata keçirilən zəruri qabaqlayıcı tədbirlər bu sahədə də Azərbaycan modelini nümunə olaraq bir daha ortaya qoydu. Aərbaycan pandemiya dövründə də özünü bütün dünyaya ümumbəşəri dəyərlərə sadiq qalan, mütəmadi olaraq humanitar təşəbbüslərlə çıxış edən bir ölkə olaraq təqdim etdi. Bunun üçün Azərbaycanın indiyədək Qoşulmama Hərəkatının sədri qismində irəli sürdüyü bir sıra qlobal təşəbbüsləri xatırlamaq kifayətdir. Qoşulmama Hərəkatının 2020-ci ilin may ayında təşkil edilmiş Zirvə toplantısı və 2020-ci ilin dekabr ayında 150-dən artıq dövlətin dəstəyi ilə keçirilmiş BMT Baş Assambleyasının dövlət və hökumət başçıları səviyyəsində Xüsusi Sessiyası ayrıca qeyd olunmalıdır. Ölkəmiz Qoşulmama Hərəkatı adından BMT-nin İnsan Hüquqları Şurasında bütün ölkələrin peyvəndlərə bərabər və universal çıxışının təmin edilməsi ilə bağlı qətnamə irəli sürmüş və həmin qətnamə 2021-ci ilin mart ayında yekdilliklə qəbul olunmuşdur. Azərbaycan koronavirusla mübarizəni dəstəkləmək məqsədilə indiyədək birbaşa və ya Ümumdünya Səhiyyə Təşkilatı vasitəsilə 80-ə qədər ölkəyə maliyyə və humanitar yardımı etmişdir. Bununla yanaşı, 5 ölkəyə peyvənd ianəsi olunub və bu iş gələcəkdə də davam etdiriləcək. Hazırda Qoşulmama Hərəkatına üzv olan 14 ölkəyə təqribən bir milyon doza peyvəndin ianə edilməsi prosesi də davam edir”.

Millət vəkili belə bir məqamı da vurğulayıb ki, dövlətin karantin rejiminin yumşaldılması istiqamətində atdığı addımlar vətəndaşlarda məsuliyyət hissini bir qədər də yüksəltməlidir: “Əlbəttə ki, bu gün artıq 2020-ci il deyil və dövlətimizin vaxtında həyata keçirdiyi pandemiya əleyhinə qabaqlayıcı tədbirlərin yüksək effektivliyi sayəsində Azərbaycan hal-hazırda postpandemiya dövrünün astanasındadır. Lakin bununla yanaşı, COVID-19 infeksiyası hələ də öz ciddiliyini qoruyur. Buna görə də insanlar məhz postpandemiya dövründə, xüsusilə də ilkin mərhələlərdə son dərəcə diqqətli davranmalı və yeni yoluxma özəklərinin yaranmaması üçün bütün ehtiyat tədbirlərini görməlidirlər. Nəzərə almaq lazımdır ki, Nazirlər Kabinetinin sözügedən qərarında xüsusi olaraq vurğulanır ki, may ayının 1-dən etibarən beynəlxalq hava limanı ərazisində və ölkədə fəaliyyət göstərən təhsil müəssisələrində tibbi maskalardan istifadə artıq məcburi xarakter daşımasa da, bununla belə hələ də tövsiyə edilir. Əlbəttə, yaxşı olardı ki, vətəndaşlar bu kimi tövsiyyə xarakterli çağırışlara ciddi yanaşsınlar. Yalnız bu halda COVID-19 pandemiyasının mümkün geridönüşünün qarşısını almaq mümkündür.”

Putin Paşinyanı tutub saxlaya biləcəkmi? - İrəvan YÖN DƏYİŞDİRİR
Putin Paşinyanı tutub saxlaya biləcəkmi? - İrəvan YÖN DƏYİŞDİRİR
İlham Əliyev və Mehriban Əliyeva Şuşada yaşayış kompleksində tikinti işlərinin gedişi ilə tanış olublar - FOTO
İlham Əliyev və Mehriban Əliyeva Şuşada yaşayış kompleksində tikinti işlərinin gedişi ilə tanış olublar - FOTO
Prezident və xanımı Şuşada inşa olunan obyektlərdə işlərin gedişi ilə tanış olublar - FOTO
Prezident və xanımı Şuşada inşa olunan obyektlərdə işlərin gedişi ilə tanış olublar - FOTO
Nikolun ikibaşlı bəyanatı və erməni cəmiyyətinə mesaj: ya razılaşma, ya müharibə - NƏ BAŞ VERİR?
Nikolun ikibaşlı bəyanatı və erməni cəmiyyətinə mesaj: ya razılaşma, ya müharibə - NƏ BAŞ VERİR?
“Zəngəzur və Qazax tərəfdən kəndlərin çoxu bizə keçməlidir” - Paşinyanın xəritə oyunu...
“Zəngəzur və Qazax tərəfdən kəndlərin çoxu bizə keçməlidir” - Paşinyanın xəritə oyunu...
Paytaxtda qətl: 36 yaşlı kişi tanışını qətlə yetirib
Paytaxtda qətl: 36 yaşlı kişi tanışını qətlə yetirib
Azərbaycanın bir şəhid belə vermədən azad etdiyi STRATEJİ ƏRAZİ - VİDEO
Azərbaycanın bir şəhid belə vermədən azad etdiyi STRATEJİ ƏRAZİ - VİDEO
Azərbaycanda bu avtomobillər ucuz qiymətə satılır - SİYAHI
Azərbaycanda bu avtomobillər ucuz qiymətə satılır - SİYAHI