kanal1

Bu gün Baş Prokurorluq hərbi helikopterin qəzaya uğramasının səbəblərini açıqlayacaq

Tarix:20-12-2021, 09:18
Baxış Sayı:128 035

Bu gün Baş Prokurorluq hərbi helikopterin qəzaya uğramasının səbəblərini açıqlayacaq


Bu gün Baş Prokurorluqda Dövlət Sərhəd Xidmətinin hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları zamanı qəzaya uğraması faktı ilə bağlı istintaq olunan cinayət işi üzrə əldə edilən ilkin nəticələrə dair brifinq keçiriləcək.
Bu barədə Baş Prokurorluğun Mətbuat Xidmətindən məlumat verilib.

Bildirilib ki, Baş prokurorun birinci müavini, III dərəcəli dövlət ədliyyə müşaviri Elçin Məmmədov, qurumun İstintaq idarəsinin rəisi, baş ədliyyə müşaviri Nemət Əvəzov, Baş Prokurorluğun İstintaq idarəsinin rəis müavini, o cümlədən helikopter qəzası ilə bağlı yaradılan İstintaq qrupunun rəhbəri, ədliyyə müşaviri Sənan Paşayev, Baş prokurorun xüsusi tapşırıqlar üzrə böyük köməkçisi, ədliyyə müşaviri Tural Aslanov, qurumun Mətbuat Xidmətinin rəhbəri, kiçik ədliyyə müşaviri Günay Səlimzadə hadisə ilə bağlı sualları cavablandıracaqlar.

Xatırladaq ki, DSX-nin hərbi helikopteri noyabrın 30-da Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb. Nəticədə 14 nəfər şəhid olub, 2 nəfər - polkovnik-leytenant Emil Cəfərov və kapitan Ramin Ədilov yaralanıb.

Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb.

Cinayət işi üzrə Baş Prokurorluğun və Dövlət Sərhəd Xidmətinin rəhbərliyinin, eləcə də məhkəmə-ballistik, məhkəmə-texniki-yanğın və məhkəmə-tibb ekspertlərinin iştirakı ilə hadisə yerinə baxış keçirilib, Müdafiə Nazirliyindən cəlb olunan mütəxəssis tərəfindən "qara qutu"nun götürülməsi təmin edilməklə hazırda onun tədqiqi aparılır.

Sülh sazişinin imzalanmasına heç bir maneə yoxdur - Spiker
Sülh sazişinin imzalanmasına heç bir maneə yoxdur - Spiker
Generallar gizli sülh danışıqları aparır - Sensasion detallar
Generallar gizli sülh danışıqları aparır - Sensasion detallar
Azərbaycana təhlükəli dərman gətirilir - Rəsmi
Azərbaycana təhlükəli dərman gətirilir - Rəsmi
“Qızılca ilə bağlı durum epidemiyanın başlanğıcı hesab edilə bilər” - Pediatrlardan peyvənd ÇAĞIRIŞI
“Qızılca ilə bağlı durum epidemiyanın başlanğıcı hesab edilə bilər” - Pediatrlardan peyvənd ÇAĞIRIŞI
Türkiyə bu hədəfini iki dəfə artırıb - Ərdoğan
Türkiyə bu hədəfini iki dəfə artırıb - Ərdoğan
Rusiya sülhməramlıları bu saat Qarabağda heç kimi qorumur... - FAKT BUDUR!
Rusiya sülhməramlıları bu saat Qarabağda heç kimi qorumur... - FAKT BUDUR!
"Zəngəzur oyununun bədəli ağır olacaq" - Ermənistan anlaşmanı pozdu
"Zəngəzur oyununun bədəli ağır olacaq" - Ermənistan anlaşmanı pozdu
NƏ BAŞ VERİR: Bir “şillə” Paşinyanı silkələdi? - Minskə “yox”, Peterburqa “hə”
NƏ BAŞ VERİR: Bir “şillə” Paşinyanı silkələdi? - Minskə “yox”, Peterburqa “hə”