"Azərbaycan və Serbiya beynəlxalq təşkilatlar səviyyəsində əməkdaşlıq edirlər".
Oxu.Az-ın məlumatına görə, bunu Milli Məclisin spikeri Sahibə Qafarova Serbiya Milli Assambleyasının sədri Ana Brnabiçlə birgə keçirdiyi brifinqdə deyib.
Spiker qeyd edib ki, bu gün Azərbaycan və Serbiya beynəlxalq təşkilatlar səviyyəsində də əməkdaşlıq edirlər:
"Bugünkü görüşdə parlamentlərimiz arasındakı əlaqələrə dair də müzakirələr apardıq.
Ötən dövr ərzində parlament sədrlərinin, ayrı-ayrı nümayəndə heyətlərinin səfərləri əlaqələrimizin inkişafına öz töhfəsini verib. Nümayəndə heyətlərimiz hər zaman təmasdadır".
