Fransa səfiri azərbaycanlı müəllifin romanı ilə bağlı paylaşım edib - FOTO

Tarix:25-05-2023, 10:41

Baxış Sayı:24 069

Fransanın Azərbaycandakı səfiri xanım Ann Buayon yazar Adəm İsmayıl Bakuvinin qələmə aldığı “Paris üçbucağı” adlı yeni romanı ilə bağlı paylaşım edib.

Səfir əsərin üz qabığının fotosunu twitter-də paylaşaraq izləyicilərinə bu kitabı oxumağı tövsiyə edib: “Yağışlı bazar günü üçün çox uyğundur”.

Qeyd edək ki, kitabın ilk nüsxələrindən biri Fransanın ölkəmizdəki səfiri xanım Ann Buayona təqdim olunub.“Paris üçbucağı” romanı fəlsəfə üzrə fəlsəfə doktoru Adəm İsmayıl Bakuvinin ikinci geniş həcmli əsəridir. Əsərdə Ermənistan-Azərbaycan münaqişəsi geosiyasi maraqlar kontekstində araşdırılsa da, roman azərbaycanlı Ülvi və fransız Suzannanın ülvi, saf məhəbətlərini özündə daşıyan melodramdır. Roman oxuculara üç nəfərin: baş qəhrəmanlar və müəllifin dilindən nəql olunur.

Romandakı müasir hadisələr Azərbaycan və Fransada cərəyan edir. Müəllif əsərdə hər iki ölkənin paytaxtı, mədəniyyəti, tarixi abidələri, maraqlı yeməkləri və s. barədə məlumatları da ədəbi dildə çatdırır ki, bu, həm də əsəri ensiklopedik məlumatlara həvəsi olan oxucular üçün də maraqlı edir. Vətən müharibəsi, Aprel döyüşlərinə toxunulan əsərdə Azərbaycanın milli mentaliteti, ailə institutu, böyüyə-kiçiyə hörmət, qonaqpərvərlik barədə də bəhs edilir.

Tarixi faktlarla zəngin, eyni zamanda oxunaqlı dildə yazılmış əsərdə müəllif özünün ilk – “Məhşər divanı: Yalanın 17 anı” sənədli romanı ilə böyük məharətlə sintez yaradaraq oxucuya çatdırmaq istədiklərini maraqlı üsulla təqdim edir. Kitab geniş oxucu kütləsi üçün nəzərdə tutulub.
Müəllif Adəm İsmayıl Bakuvi Bakı şəhərində anadan olub. Yüzlərlə analitik və publisistik məqalələr, 3 monoqrafiya, 20-yə yaxın elmi araşdırma müəllifidir.

Əsərin əsas şüarlarından biri budur: “Sevgi – ruhu ölmüş cəsədi yenidən dirildir”.APA

Pirallahıda Kommunal Xidmətlər Fasiləsiz İş Rejimi ilə Yağış Fəsadlarının Qarşısını Alır

Nərimanovda Peşəkarlıq və Əzmkarlıq - Yağış Fəsadlarına Qarşı Mübarizədə Mənzil-Kommunal Təsərrüfatının Əhəmiyyətli Rolu

Nərimanov Rayon Mənzil-Kommunal Təsərrüfatı Birliyinin kollektivi 24 saatlıq iş rejimində çalışır

Pirallahı rayon Mənzil-Kommunal Təsərrüfatı Birliyinin kollektivi 24 saatlıq iş rejimində çalışır FOTO

Azərbaycan Qida Sənayesinin Etibarlı Nümunəsi - “Ovçular ət və ət məhsulları” MMC

“Şəmkir Cümə Məscidinin Axundu - Xeyriyyəçi, Dini Rəhbər və Cəmiyyətin Mənəvi Dayanağı”

Ərdoğanın möhtəşəm planı: Kanal İstanbul açılır — Montre dövrü bitir?

Katolikos blokadada: kilsəyə SON ZƏRBƏ belə vurulacaq – Rusiya təlaşda