Atvxeber.az xəbər verir ki, iyulun 2-si ölkəmizin hüquq-mühafizə orqanları sistemində əlamətdar tarix kimi qeyd olunur. Bu gün Azərbaycan Polisi yaranmasının 107-ci ildönümünü qeyd edir. Ümummilli Lider Heydər Əliyevin 1998-ci ildə imzaladığı tarixi Fərmana əsasən, iyulun 2-si “Azərbaycan Polisi Günü” elan olunub və həmin vaxtdan bəri hər il bu tarixdə cəmiyyətin təhlükəsizliyi naminə həyatlarını riskə atan polis əməkdaşlarının şərəfli xidməti ehtiramla yad edilir.
Bu mənalı və şərəfli gündə Bərdə rayonunda asayişin və təhlükəsizliyin qorunmasında misilsiz xidmətləri olan, yüksək peşəkarlığı və rəhbərlik bacarığı ilə tanınan Bərdə Rayon Polis Şöbəsinin rəisi, polis polkovniki Ənvər Həsənovu səmimi qəlbdən təbrik edirik!
Ənvər Həsənov uzun illərdir ki, daxili işlər orqanlarında fədakarcasına çalışaraq, dövlətə və xalqa sədaqətli xidməti ilə seçilən nüfuzlu zabitlərimizdəndir. Onun rəhbərlik etdiyi Bərdə Rayon Polis Şöbəsi təkcə hüquq-mühafizə tədbirlərində deyil, eyni zamanda cəmiyyətlə açıq və etibarlı ünsiyyətin qurulmasında, ictimai təhlükəsizliyin təmin olunmasında, vətəndaş məmnuniyyətinin yüksəldilməsində nümunə göstərilən bir struktur kimi tanınır.
Polkovnik Ənvər Həsənovun rəhbərliyi ilə Bərdə RPŞ-də həyata keçirilən sistemli və məqsədyönlü tədbirlər nəticəsində cinayətlərin vaxtında açılması, hüquq pozuntularının qarşısının alınması və ictimai sabitliyin qorunması sahəsində yüksək nəticələr əldə olunmuşdur. Bütün bu göstəricilər isə onun dərin idarəçilik bacarığını, insanlara və qanunlara hörmətlə yanaşma prinsipini aydın şəkildə ortaya qoyur.
Ənvər Həsənovun fəaliyyəti birbaşa Azərbaycan Respublikasının Daxili İşlər Naziri, general-polkovnik Vilayət Eyvazovun rəhbərliyi altında həyata keçirilən müasir hüquq-mühafizə siyasətinin tələblərinə cavab verir. Cənab nazirin təşəbbüsü ilə ölkəmizin bütün regionlarında, o cümlədən Bərdədə də vətəndaşların hüquq və azadlıqlarının müdafiəsi istiqamətində güclü mexanizmlər qurulmuşdur. Ənvər Həsənov isə bu mexanizmləri bölgədə uğurla tətbiq edən peşəkar rəhbərdir.
Qeyd etmək lazımdır ki, bu gün Azərbaycan Polisinin cəmiyyətdə qazandığı etimad və hörmətin əsasında Prezident İlham Əliyevin həyata keçirdiyi məqsədyönlü daxili sabitlik strategiyası və hüquqi islahatlar dayanır. Bu strategiyanın ən önəmli dayaqlarından biri olan daxili işlər orqanları bu gün də dövlətimizin əmin-amanlıq siyasətinə töhfə verir və vətəndaşların təhlükəsizliyi üçün gecə-gündüz çalışırlar.
Atvxeber.az kollektivi olaraq polis polkovniki Ənvər Həsənovu bu əlamətdar gün münasibətilə bir daha səmimi qəlbdən təbrik edir, ona möhkəm can sağlığı, məsuliyyətli xidmətində yeni uğurlar, ölkəmizin sabitliyi və inkişafı naminə fəaliyyətində davamlı yüksəliş arzulayırıq.
Qoy, hər bir vətəndaşın hüququ sizin kimi zabitlərin sayəsində daim etibarlı müdafiədə olsun!
Yaşasın Azərbaycan Polisi! Yaşasın Ənvər Həsənov kimi fədakar və peşəkar zabitlər!
