Atvxeber.az xəbər verir ki, iyulun 2-si Azərbaycan Polisinin yaranmasının 107-ci ildönümü münasibətilə ölkəmizdə geniş şəkildə qeyd olunur. Bu əlamətdar gün Ümummilli Lider Heydər Əliyevin 1998-ci ildə imzaladığı Fərmanla təsis olunmuş, hüquq-mühafizə orqanlarının peşəkar əməkdaşlarının fədakarlığını və vətənpərvərliyini təqdir edən xüsusi gündür.
Bu münasibətlə Nəsimi Rayon Polis İdarəsinin rəisi, polis polkovniki Vüqar Ağayevi səmimi qəlbdən təbrik edir, onun xidməti fəaliyyətindəki yüksək peşəkarlıq və rəhbərlik bacarıqlarına görə dərin təşəkkürümüzü bildiririk.
Vüqar Ağayev rəhbərlik etdiyi Nəsimi Rayon Polis İdarəsində ictimai asayişin qorunması, qanunçuluğun təmin olunması və vətəndaşların hüquq və təhlükəsizliyinin müdafiəsi istiqamətində böyük nailiyyətlər əldə etmişdir. Onun təşəbbüskarlığı, məsuliyyət hissi və şəxsi nümunəsi idarə etdiyi kollektivdə yüksək nizam-intizam və vətəndaş yönümlü xidmət mədəniyyətinin formalaşmasına səbəb olmuşdur.
Polis polkovniki Vüqar Ağayevin rəhbərliyi altında Nəsimi rayonunda cinayətkarlığın qarşısının alınması, hüquq pozuntularının vaxtında aşkar edilməsi və araşdırılması sistemli şəkildə həyata keçirilir. Onun idarəçiliyi ilə polis əməkdaşları vətəndaşlarla sıx əlaqədə olaraq onların hüquqlarının qorunması və təhlükəsizliyinin təmin olunması işinə böyük məsuliyyətlə yanaşırlar.
Azərbaycan Respublikasının Daxili İşlər Naziri, general-polkovnik Vilayət Eyvazovun rəhbərliyi altında həyata keçirilən genişmiqyaslı islahatlar Vüqar Ağayevin idarəçiliyində olan Nəsimi Rayon Polis İdarəsində müasir idarəetmə üsullarının tətbiqinə və xidmət keyfiyyətinin yüksəlməsinə imkan yaratmışdır.
Eyni zamanda, ölkəmizdə mövcud olan ictimai-siyasi sabitliyin qorunmasında və dövlətin davamlı inkişafının təmin olunmasında Prezident İlham Əliyevin siyasi iradəsi ilə hüquq-mühafizə orqanlarının, o cümlədən polis idarələrinin fəaliyyəti xüsusi əhəmiyyət daşıyır. Vüqar Ağayevin rəhbərliyi ilə Nəsimi Rayon Polis İdarəsi bu istiqamətdə öz üzərinə düşən vəzifələri layiqincə yerinə yetirir.
Atvxeber.az kollektivi adından polis polkovniki Vüqar Ağayevə Azərbaycan Polisi Günü münasibətilə ən səmimi təbriklərimizi çatdırır, ona möhkəm can sağlığı, yeni-yeni uğurlar və xidmətdə davamlı yüksəliş arzulayırıq.
Yaşasın Azərbaycan Polisi!
Yaşasın hüquq və ədalətin keşiyində duran Vüqar Ağayev kimi nümunəvi zabitlər!
