Atvxeber.az xəbər verir ki, 2 iyul tarixi Azərbaycanda Polis Günüdür. Bu il ölkəmiz Azərbaycan Polisi yaranmasının 107-ci ildönümünü böyük təntənə ilə qeyd edir. Tarixi bir gün olan 2 iyul, xalqımızın ümummilli lideri Heydər Əliyevin 1998-ci ildə imzaladığı Fərmanla rəsmən Azərbaycan Polisi Günü elan edilmişdir.
Bu müqəddəs gün ölkəmizin ictimai-siyasi sabitliyinin, təhlükəsizliyinin və vətəndaşların asayişinin qorunmasının rəmzi kimi tarixdə xüsusi yer tutur. Dövlətimizin milli maraqlarını, dövlətçilik mənafelərini hər şeydən üstün tutan, hüquq və qanun aliliyinin təminatçısı olan Azərbaycan Polisi xalqımızın etimadını hər zaman doğrultmuş, ölkəmizin inkişaf yolunda əvəzsiz xidmətlər göstərmişdir.
Ucar Rayon Polis Şöbəsinin Dövlət Yol Polisi Bölməsinin rəisi, polis kapitanı Elşən Abbasovun rəhbərliyi altında yerli polis əməkdaşları da vətənimizin bu müqəddəs amalına xidmət edir, ölkəmizdə yolların təhlükəsizliyinin təmin olunmasında, vətəndaşların rahat və təhlükəsiz yaşam şəraitinin yaradılmasında fədakarlıqla çalışırlar. Onların və bütün polisimizin əməyinə ölkə rəhbərliyi, xüsusilə də daxili işlər naziri cənab Vilayət Eyvazov yüksək qiymət verir və dəstəkləyir.
Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin ölkəmizin davamlı inkişafı və vətəndaşlarımızın təhlükəsizliyi üçün həyata keçirdiyi genişmiqyaslı tədbirlər, daxili işlər orqanlarının işinə göstərilən xüsusi diqqət və qayğı Azərbaycan Polisinin daha da güclənməsinə, peşəkarlığının artmasına xidmət edir.
Atvxeber.az rəhbərliyi və kollektivi adından Ucar Rayon Polis Şöbəsinin Dövlət Yol Polisi Bölməsinin rəisi polis kapitanı Elşən Abbasovu, həmçinin bütün polis əməkdaşlarını 2 iyul – Azərbaycan Polisi Günü münasibətilə ürəkdən təbrik edir, onlara fəaliyyətlərində uğurlar, cansağlığı, ailələrinə səadət və ölkəmizin təhlükəsizliyi naminə göstərdikləri əvəzsiz xidmətlərdə yeni-yeni nailiyyətlər arzulayırıq.
Azərbaycan Polisi – Azərbaycanın təhlükəsizliyi və xalqımızın firavan gələcəyinin möhkəm qarantıdır!
Atvxeber.az rəhbərliyi və kollektivi
