Atvxeber.az xəbər verir ki, ölkəmizdə hər il 2 iyul tarixində qeyd olunan Azərbaycan Polisi Günü bu il də dərin ehtiram və qürur hissi ilə qarşılanır. 107 il öncə – 1918-ci ildə Azərbaycan Xalq Cümhuriyyəti dövründə yaranmış və ulu öndər Heydər Əliyevin 1998-ci ildə imzaladığı Fərmanla rəsmi bayram statusu qazanmış bu gün, dövlətimizin qanunlarının mühafizəsində dayanan, vətəndaşlarımızın təhlükəsizliyini təmin edən hüquq-mühafizə orqanlarının işçilərinin fədakarlığını anlamaq və təqdir etmək üçün mühüm bir gündür.
Bu böyük kollektivin Ucar Rayon Polis Şöbəsinin rəhbəri, polis polkovniki Valik Vəlimətovun xidmətləri xüsusi vurğulanmalıdır. Valik Vəlimətov rəhbərliyi altında RPŞ-nin bütün əməkdaşları vətənimizin qanunlarının aliliyini təmin etmək, cinayətkarlığa qarşı mübarizəni gücləndirmək, vətəndaşların hüquq və azadlıqlarının müdafiəsində misilsiz fəaliyyət göstərmək kimi müqəddəs vəzifəni layiqincə yerinə yetirirlər.
Ucar RPŞ-nin rəisi Valik Vəlimətov uzun illərdir ki, xidməti və peşəkarlığı, prinsipiallığı və rəhbərlik bacarığı ilə fərqlənir. Onun uğurlu fəaliyyəti nəticəsində rayonumuzda ictimai asayişin qorunması, cinayətlərin qarşısının alınması sahəsində əhəmiyyətli irəliləyişlər əldə olunub. Rayon sakinlərinin həyatının rahat və təhlükəsiz olması üçün RPŞ əməkdaşlarının peşəkar fəaliyyəti, sosial məsələlərə həssas yanaşması xalq tərəfindən yüksək qiymətləndirilir.
Azərbaycan Respublikası Prezidenti, Silahlı Qüvvələrin Müzəffər Ali Baş Komandanı İlham Əliyevin dövlətimizin təhlükəsizliyi və ictimai sabitliyin möhkəmləndirilməsi istiqamətində həyata keçirdiyi siyasət Valik Vəlimətov və onun komandası üçün dayanıqlı zəmin yaradır. Daxili işlər naziri cənab Vilayət Eyvazovun qayğısı və dəstəyi isə ölkəmizin hüquq-mühafizə orqanlarının inkişafında mühüm rol oynayır.
Atvxeber.az rəhbərliyi və kollektivi adından Valik Vəlimətovun və Ucar RPŞ-nin bütün əməkdaşlarının 2 iyul – Azərbaycan Polisi Günü münasibətilə təbrik edir, onlara möhkəm can sağlığı, ailə səadəti və peşə fəaliyyətində yeni-yeni uğurlar arzulayırıq. Vətənimizin və xalqımızın təhlükəsizliyi naminə göstərdikləri əvəzsiz xidmətlər həmişə yüksək qiymətləndiriləcək, onların şərəfli işləri daim yaddaşlarda qalacaqdır.
Azərbaycan Polisi – Dövlətimizin və xalqımızın sabahına inamdır!
Atvxeber.az rəhbərliyi və kollektivi
