"Rusiyanın nüvə doktrinasında ölkə üçün ekzistensial təhlükə yaranarsa, nüvə silahından istifadə imkanları nəzərdə tutulur".
"Bu barədə Rusiya Federasiyasının BMT-dəki daimi nümayəndəsinin birinci müavini Dmitri Polyanski cümə axşamı Britaniyanın "Unherd News" internet nəşrinə müsahibəsində bildirib.
"Mən diplomatam, hərbçi deyiləm, nüvə strategiyasının həyata keçirilməsi ilə bağlı qərarlar verən dairələrdə deyiləm. Amma deyə bilərəm ki, bizim nüvə silahımız var və Rusiya üçün ekzistensial təhlükə yaranarsa, onlardan istifadə edə biləcəyimizə tam əminəm”, - deyə o bildirib.
"Ekzistensial təhlükə" termininin nə demək olduğu barədə aydınlaşdırıcı suala Polyanski cavab verib ki, ekzistensial təhlükəni təyin edən o deyil.
"Mən hərbçi deyiləm, belə nəticə çıxarmaq mənim işim deyil. Ancaq düşünürəm ki, əgər siz nüvə dövlətini təhdid edirsinizsə, o zaman masada olan bütün variantları nəzərdən keçirməlisiniz", - o əlavə edib.
