Ukrayna ordusunun Donetskin Makeyevkaya zərbəsi nəticəsində xeyli sayda rus hərbçisi öldürülüb. Rusiya yalnız 89-nun öldüyünü rəsmi şəkildə etiraf edib
Ukrayna ordusu Donetskin Makeyevkaya zərbəsi nəticəsində hərbi səfərbərliyə çağırılan iki yüzə yaxın hərbçisi ölüb və yaralanıb.
“Lenta.ru”nun verdiyi xəbərə görə, Ukrayna Silahlı Qüvvələri Donetsk yaxınlığındakı Makeyevkaya səfərbərliyə çağrılan hərbçilərin yerləşdiyi peşə məktəbinə HİMARS raket zərbəsi endirib.
Rusiya Müdafiə Nazirliyi alay komandirinin müavini polkovnik-leytenant Baçurin də daxil olmaqla 89 hərbçinin həlak olduğu etiraf edilib.
Rusiya Silahlı Qüvvələrinin Baş Hərbi-Siyasi İdarə rəisinin birinci müavini general-leytenantı Sergey Sevryukov “Lenta.ru”ya bildirib ki, Donetskin Makeyevka şəhərində baş vermiş faciəyə görə məsuliyyət daşıyan məmurlar istintaqdan sonra cavab verəcəklər. Onun sözlərinə görə, Rusiya hərbçiləri gələcəkdə belə halların təkrarlanmaması üçün hazırda bütün lazımi tədbirləri görür.
Yaralanan hərbçilər Rusiyanın digər bölgələrinə köçürülüb. Samaradan səfərbərliyə çağrılanlar 70-dək hərbçi isə müalicə olunmaq üçün evlərinə göndəriləcək.
Digər bir məlumata görə, hərbçilər mobil telefondan istifadə etdikləri üçün yerləri müəyyən olunub. Əlavə olaraq bununla bağlı məsul şəxslər barədə araşdırılma aparılır.
Rusiya tərəfinin hadisəyə geniş miqyasda reaksiyası irəli sürülən “400 hərbçi ölüb” ehtimalını daha da artırır.
