Türkiyə Prezidenti Rəcəb Tayyib Ərdoğan bu gün Azərbaycana rəsmi səfər edəcək.
“Ərdoğan səfər çərçivəsində Zəngilan Beynəlxalq Hava Limanının açılış mərasimində iştirak edəcək.
Ərdoğan, həmçinin yeni layihələrin təməlqoyma mərasiminə də qatılacaq.
***
11:27
Ərdoğan Azərbaycana yola düşüb. Türkiyə Prezidentini bu səfərdə xarici işlər naziri Mövlud Çavuşoğlu, milli müdafiə naziri Hulusi Akar, kənd və meşə təsərrüfatı naziri Vahit Kirişçi və digər rəsmi şəxslər müşayiət edir.
***
12:43
Türkiyə Prezidentinin təyyarəsi Zəngilan Hava Limanına eniş edir.
Hər iki ölkənin Dövlət bayraqlarının dalğalandığı Zəngilan Beynəlxalq Hava Limanında ali qonağın şərəfinə fəxri qarovul dəstəsi düzülüb.
