Bakıda 3 uşaq itkin düşüb.
Lent.az məlumatına görə, hadisə mayın 17-i paytaxtın Sabunçu rayonu Q. Vəzirov küçəsində qeydə alınıb. 14 yaşlı Salmanova Ramilə Mahir qızı, onun bacıları, 10 yaşlı Şəkərnaz və 7 yaşlı Xədicə oynamaq məqsədilə evin qarşısına çıxaraq, bir daha geri qayıtmayıblar.
Bu barədə onların anası M.Salmanova Sabunçu rayon Polis İdarəsinin 12-ci Polis Şöbəsinə müraciət edib.
Polis əməkdaşlarının keçirdikləri əməliyyat-axtarış tədbirləri nəticəsində onların hər üçü tapılaraq ailəsinə təhvil verilib.
Faktla bağlı həmin bölmədə araşdırma aparılır.
