Yasamal rayonunda iməclik keçirilib -Fotolar

Tarix:5-06-2023, 10:46

Baxış Sayı:22 246

Yasamal rayonunda iməclik keçirilib -Fotolar

Məlumdur ki, isti yay günləri bu və ya digər infeksion xəstəliklərə səbəb ola biləcək bakteriyaların, eləcə də onların daşıyıcıları olan müxtəlif həşəratların aktivləşmələri və çoxalmaları üçün ən ən münasib dövrdür. Buna görə də əhalinin sağlamlığının qorunması, eləcə də şəhərimizin sanitar-gigiyenik vəziyyətinin normada saxlanması məqsədilə vaxtlı-vaxtında profilaktik tədbirlər keçirilməlidir.

Qeyd etmək lazımdır ki, Bakının Yasamal rayonunda bu məsələlər hər zaman xüsusi diqqət mərkəzində saxlanılır. Elə bu gün-də Yasamal rayon Mənzil Kommunal Birliyinin əməkdaşları tərəfindən keçirilən iməclik də bu qəbildən olan tədbirlərdən biridir. İməclik rayonun Mətbuat, İnşaatçılar, H.Cavid, N.Nərimanov, Parlament prospektlərini, habelə Mikayıl Müşviq və A.M.Şərifzadə küçələrini əhatə edib. Səhər saatlarında başlanan iməcliyin gedişində göstərilən ünvanlarda yerləşən zibil konteynerlərinin, eləcə də küçə boyunca quraşdırılmış kiçik həcmli zibil qablarının yuyulması və dezinfeksiya olunması işləri də görülüb. Bundan başqa küçə və prospektlərimizi axşam saatlarında işıqlandıran küçə fənərlərinin dirəkləri də yuyularaq toz-torpaqdan təmizləniblər. Ümumiyyətlə Yasamal MKTB-nin işçiləri tərəfindən küçələrin, yaşıllıq zonalarının, məhəllədaxili ərazilərin təmizliyi və dezinfeksiyası ilə bağlı bir sıra tədbirlər görülüb. Əldə etdiyimiz məlumata görə, bu kimi tədbirlərin rayon ərazisində bütün yay mövsümü boyunca mütəmadi keçiriləcəyi nəzərdə tutulub.

Elbrus Bağırov