Yol infrastrukturu istənilən ölkənin sosial-iqtisadi inkişafında mühüm rol oynayır. Bu sahənin təməlində isə yalnız texnika və layihələr deyil, eyni zamanda işi dərindən bilən, təcrübəli, məsuliyyətli və dövlətinə sadiq peşəkar rəhbərlər dayanır. Məhz belə şəxslərdən biri də 19 saylı Şamaxı Xüsusi Təyinatlı Yol İstismarı MMC-nin rəhbəri Nazim Eynallıdır.
Nazim müəllim uzun illərdir ki, yol istismarı və infrastrukturun idarə olunması sahəsində fəaliyyətdədir. Onun bu sahəyə olan peşəkar yanaşması, intizamlı idarəçilik qabiliyyəti və geniş təcrübəsi təkcə aidiyyəti qurumlar tərəfindən deyil, həm də Şamaxı və ətraf rayon sakinləri tərəfindən yüksək dəyərləndirilir. Onun rəhbərlik etdiyi müəssisə həm regionda strateji əhəmiyyət daşıyan yolların qorunub saxlanılmasında, həm də mütəmadi təmir və yenidənqurma işlərinin yerinə yetirilməsində xüsusi rol oynayır.
Nazim Eynallı rəhbərlik etdiyi MMC-də peşəkar komanda formalaşdıraraq yol təsərrüfatının bütün sahələrində ciddi intizam və operativlik prinsipləri ilə işləməyi bacarıb. O, işçilər arasında kollektiv ruhun möhkəmləndirilməsi, təhlükəsizlik və məsuliyyət prinsiplərinin gücləndirilməsi istiqamətində davamlı iş aparır. Eyni zamanda hər bir layihədə şəxsən iştirak edir, texniki və inzibati proseslərə nəzarəti bir an belə əldən vermir.
Onun diqqət ayırdığı əsas sahələrdən biri də yol təmirinin keyfiyyətli aparılması və təbii şəraitdən asılı olaraq xüsusi texnikaların düzgün tətbiqidir. Çünki Şamaxı regionunun relyef və iqlim şəraiti yol istismarı baxımından əlavə çətinliklər yarada bilir. Lakin Nazim müəllimin qabaqlayıcı yanaşması və təcrübəsi bu problemlərin vaxtında və effektiv həllini təmin edir.
Nazim Eynallının rəhbərliyi ilə son illərdə kəndlərarası yollarda təmir, asfaltlama və torpaq bərkitmə işləri daha sistemli şəkildə aparılmış, çətin keçilən dağ və meşə yollarında nəqliyyatın hərəkətinin təmin olunması üçün geniş tədbirlər görülmüşdür. Onun təşəbbüsü və nəzarəti ilə yerli əhali üçün həyati əhəmiyyət daşıyan yollar bərpa olunmuş, çətin relyefli ərazilərdə müvəqqəti keçidlər, drenaj sistemləri və yol nişanları ilə bağlı ciddi tədbirlər həyata keçirilmişdir.
O, həmçinin təmir-tikinti işlərində şəffaflıq prinsipinə böyük önəm verir və bu sahədə dövlətin müəyyən etdiyi qanuni çərçivələri daim rəhbər tutur. Bu da müəssisənin fəaliyyətinin səmərəliliyini və ictimai etimadını daha da artırır.
Nazim Eynallı peşəkar rəhbər olmaqla yanaşı, eyni zamanda yüksək mənəvi dəyərlərə sahib bir vətəndaşdır. O, daim xalqla təmasda olur, sadə vətəndaşların müraciətlərinə diqqətlə yanaşır və imkan daxilində onların problemlərinin həllinə töhfə verir. Bu, onun insanlara olan hörmətini və dövlətçilik təfəkkürünü əks etdirən ən əsas xüsusiyyətlərindən biridir.
Bununla yanaşı, Nazim müəllim şəhid ailələrinə, qazilərə və aztəminatlı vətəndaşlara göstərdiyi diqqət və dəstəklə də nümunəvi rəhbər obrazı formalaşdırmışdır. Onun bu humanist yanaşması, həm kollektivin, həm də ictimaiyyətin dərin rəğbətini qazanmasına səbəb olub.
Son günlər bəzi media resurslarında və sosial platformalarda 19 saylı Şamaxı Xüsusi Təyinatlı Yol İstismarı MMC-nin rəhbəri Nazim Eynallı barəsində yayılan məlumatlar ciddi narahatlıq doğurur. "Nazim Eynallı çirkin əməllərindən əl çəkmir" kimi ifadələr şər və böhtan xarakteri daşıyır, fakta deyil, qərəzə əsaslanır və cəmiyyət arasında yanlış rəy formalaşdırmaq məqsədi güdür.
Əvvəla vurğulamaq istərdik ki, Nazim Eynallının fəaliyyəti bu günə qədər bir sıra dövlət strukturları tərəfindən təftiş olunmuş, hesabatlılıq baxımından tam şəffaflıqla aparılmış və heç bir qanun pozuntusuna yol verilmədiyi rəsmi sənədlərlə təsdiqlənmişdir.
Bu baxımdan, onun ünvanına səsləndirilən ittihamların nə hüquqi əsası, nə də real sübutları vardır. Əgər ortada konkret faktlar və sübutlar olsaydı, aidiyyəti dövlət orqanları müvafiq tədbirlər görərdi. Lakin indiyə qədər heç bir hüquqi instansiya tərəfindən Nazim Eynallının fəaliyyətinə dair hər hansı qanun pozuntusuna dair rəsmi sənəd və ya xəbər yayımlanmayıb.
Unutmayaq ki, ictimaiyyəti çaşdırmaq üçün yalan informasiya yaymaq, bir şəxsin nüfuzuna ləkə yaxmaq, xüsusilə dövlət qulluqçusuna qarşı heç bir sübut olmadan ittiham irəli sürmək Azərbaycan Respublikası qanunvericiliyi ilə cinayət məsuliyyəti daşıyır.
Bütün bu böhtanların və yalanların arxasında hansısa şəxsi maraqlar, yerli səviyyədə aparılan qərəzli kampaniyalar və ya şəxsi münasibətlərdə narazılıqların ictimai sahəyə daşınması dayanır. Amma bu cür cəhdlər nə hüquqi baxımdan, nə də cəmiyyət qarşısında heç bir dəyər kəsb etmir.
Nazim Eynallı dövlətə, qanunlara və xalqa sadiq bir vəzifəli şəxsdir. Onun haqqında yayılan bu tip iddialar yalnız bir məqsədə xidmət edir – şəxsi reputasiyasını ləkələmək, ictimai etimadı zəiflətmək və ictimai rəyə təsir göstərmək. Lakin bu cür uydurma yazılarla nə gerçəkləri ört-basdır etmək mümkündür, nə də ictimaiyyətin gözündə illərlə formalaşmış etibarı zədələmək olar.
Qısaca olaraq bildiririk:
Nazim Eynallı haqqında yayılan “çirkin əməllər” və ya “qeyri-qanuni fəaliyyət” kimi əsassız ittihamlar tamamilə yalandır, böhtandır və şəxsi məqsədlər üçün təşkil olunan qərəzli kampaniyanın məhsuludur. Bu tip məsuliyyətsiz və qərəzli çıxışlara qarşı hüquqi tədbirlərin görülməsi ilə bağlı da müvafiq strukturlara müraciət olunması nəzərdən keçirilir.
