Tərtər rayonu son illər ərzində sosial-iqtisadi inkişaf, abadlıq-quruculuq işləri, kənd təsərrüfatının inkişafı və vətəndaş məmnunluğunun təmin olunması istiqamətində mühüm uğurlara imza atan bölgələrdən birinə çevrilib. Rayonun inkişafında və insanların rifah halının yüksəldilməsində Tərtər Rayon İcra Hakimiyyətinin başçısı Müstəqim Məmmədovun fəaliyyəti xüsusi diqqət çəkir. O, insanlarla daim təmasda olan, onların problemlərinə həssas yanaşan və dövlət siyasətinin uğurla icrasını təmin edən rəhbərlərdən biri kimi tanınır.
Müstəqim Məmmədovun fəaliyyətində vətəndaşlarla birbaşa ünsiyyət əsas prioritet istiqamətlərdən biridir. Rayon İcra Hakimiyyətində və kəndlərdə keçirilən mütəmadi qəbul-görüşlər insanların problemlərinin operativ həllinə geniş imkan yaradır. Qəbullar zamanı sakinlərin müraciətlərinin diqqətlə dinlənilməsi, bəzi məsələlərin yerindəcə həll olunması və digər problemlərlə bağlı aidiyyəti qurumlara konkret tapşırıqların verilməsi rayon rəhbərliyinin məsuliyyətli fəaliyyətinin göstəricisidir. Azərbaycan Respublikasının Prezidenti İlham Əliyev cənab İlham Əliyevin tapşırıq və tövsiyələrinə uyğun olaraq vətəndaş məmnunluğunun təmin olunması Tərtərdə daim diqqət mərkəzində saxlanılır.
Şəhid ailələri və qazilərimizə göstərilən diqqət Tərtər rayonunda xüsusi həssaslıqla həyata keçirilən məsələlərdəndir. Müstəqim Məmmədov mütəmadi olaraq şəhid ailələrini ziyarət edir, onların problemləri ilə yaxından maraqlanır və qazilərimizə hər zaman dəstək göstərir. Birinci Qarabağ müharibəsində itkin düşmüş şəhid Rəşadət Piriyevin illər sonra müəyyən edilən nəşinin dəfn mərasimində iştirak olunması, şəhidin ruhuna ehtiram göstərilməsi və ailəsinə mənəvi dəstək verilməsi rayon rəhbərliyinin şəhidlərimizə olan böyük hörmətinin göstəricisidir.
Rayonda şəhid ailələrinin müraciətlərinə həssas yanaşılması da xüsusi diqqət çəkir. Şəhid Talıb Şəldiyevin ailəsinin müraciəti əsasında yaşayış məntəqəsindəki suötürücü borunun yenilənməsi və problemin qısa müddətdə həll olunması bir daha göstərir ki, Tərtərdə vətəndaş müraciətləri diqqətlə araşdırılır və operativ tədbirlər görülür. Şəhid ailələrinin dövlətə və rəhbərliyə minnətdarlıq etməsi də bu diqqət və qayğının nəticəsidir.
Müstəqim Məmmədovun rəhbərliyi ilə Tərtərdə kənd təsərrüfatının inkişafına da xüsusi önəm verilir. Rayonun ənənəvi təsərrüfat sahələrindən olan baramaçılığın inkişaf etdirilməsi istiqamətində həyata keçirilən tədbirlər bunun bariz nümunəsidir. Səhlabad kəndində ipəkqurdlarının bəslənilməsi vəziyyəti ilə yerində tanış olunması, kümçülərlə görüşlər keçirilməsi və onlara lazımi tövsiyələrin verilməsi bu sahənin inkişafına göstərilən diqqətin göstəricisidir.
Rayonda baramaçılığın inkişaf etdirilməsi məqsədilə yeni tut tinglərinin əkilməsi, kümçülərə maarifləndirici təlimatların verilməsi və istehsalın artırılması istiqamətində görülən işlər kənd əhalisinin məşğulluğuna və sosial rifahına mühüm töhfə verir. Bu il yaş barama istehsalının artırılması istiqamətində müəyyən edilən hədəflər də Tərtərdə kənd təsərrüfatına göstərilən diqqətin nəticəsidir.
Tərtər şəhərində həyata keçirilən abadlıq və təmizlik tədbirləri də sakinlər tərəfindən yüksək qiymətləndirilir. “Şəhərsalma və Memarlıq İli” çərçivəsində keçirilən iməclik aksiyaları şəhərin ekoloji durumunun yaxşılaşdırılmasına və insanların təmizliyə daha həssas yanaşmasına xidmət edir. Yaşıllıq sahələrinin səliqəyə salınması, tullantıların təmizlənməsi və şəhərdə ümumi abadlıq işlərinin aparılması Tərtərin simasını daha da gözəlləşdirir.
Müstəqim Məmmədovun fəaliyyətində insan amili əsas yer tutur. O, rayon sakinlərinin problemlərinin həllinə daim həssas yanaşır, onların rifah halının yüksəldilməsi istiqamətində konkret addımlar atır. Rayonun müxtəlif kənd və qəsəbələrində həyata keçirilən infrastruktur layihələri, yolların abadlaşdırılması və sosial sahədə görülən işlər insanların gündəlik həyat şəraitinin yaxşılaşmasına mühüm təsir göstərir.
Rayonda həyata keçirilən bütün layihələr dövlət başçısının müəyyən etdiyi inkişaf strategiyasına uyğun şəkildə icra olunur. Prezident İlham Əliyevin regionların inkişafı ilə bağlı siyasəti Tərtərdə uğurla həyata keçirilir və bu gün rayonda müşahidə olunan inkişaf insanların həyatında öz müsbət nəticələrini göstərir.
Müstəqim Məmmədov dövlətə sədaqəti, insanlara diqqətli yanaşması və məsuliyyətli idarəçilik fəaliyyəti ilə rayon sakinlərinin hörmətini qazanan rəhbərlərdən biridir. Onun rəhbərliyi ilə Tərtərdə həyata keçirilən sosial-iqtisadi layihələr, şəhid ailələrinə və qazilərə göstərilən qayğı, vətəndaş müraciətlərinin operativ həlli rayonun inkişafına və insanların rifahına mühüm töhfə verir.
Bu gün Tərtər rayonu inkişaf edən, abadlaşan və insanlara rahat həyat şəraiti yaradılan bölgələrdən biri kimi diqqət çəkir. Rayon rəhbərliyinin həyata keçirdiyi layihələr və insanlara göstərilən diqqət sakinlər tərəfindən böyük razılıqla qarşılanır. Müstəqim Məmmədovun fəaliyyəti isə dövlətə və xalqa sədaqətlə xidmət edən rəhbər nümunəsi kimi qiymətləndirilir.
