Abdin Fərzəliyevin haqqında yazmaq, onu tərifləmək, xalqa tanıtmağa ehtiyac yoxdur! Sadəcə onun rəhbərlik etdiyi sahəyə bir az nəzər salmaq kifayət edər və yetərincə bütün suallara cavab tapmış olarsan

Tarix:3-06-2022, 10:50

Baxış Sayı:140 286

Əgər insan doğru-düzgün bir yoldadırsa, heç vaxt ona zaval olmur. Gördüklərim, eşitdiklərim məni bu qənaətə gətirib ki, Abşeron rayon İcra Hakimiyyəti başçısı Abdin Fərzəliyev xalqının, dövlətinin etimad və etibarını qazanmağı bacara bilmişdir. Rəhbərlik xüsusiyyətini, xarakterini insana daşıdığı vəzifə yox, o vəzifəyə layiq olan insan özü qazandırır. O, insanın xarakterində, bütövlüyündə, bir sözlə, işi ilə əməlinin vəhdətində olmalıdır. Əgər sən insanların istəyini və sevgisini qazanmaq istəyirsənsə ilk növbədə onlarla səmimi olmalısan…

Onun haqqında yazmağa ehtiyac varmı? Bu yazılar ona lazımdırmı? Əsla! Amma bu yazılar o kəslərə lazımdır ki, onlar xalqa, dövlətə, dövlətçiliyə xidməti, idarəetməni ondan öyrənsinlər; öz əqidəsinə, məsləkinə və vicdanına layiq hərəkət edən hər kəsə nümunə kimi təqdim və təqdir olunsun. Bunu mən belə düşünürəm. El gözü tərəzidir, deyərlər. Bu gün hər şeyi və hər kəsi görürük… Məqsədli şəkildə vəzifə mənsəbləri – nail olduqları şan və şöhrətin daşıdıqları vəzifənin anlamını onu itirdikdən sonra anlayır və peşiman olurlarsa da, sonrakı peşimançılıq fayda vermir. Çox təəssüf.

Abşeron rayon İcra Hakimiyyəti başçısı Abdin Fərzəliyevin məram və məqsədi isə tamamilə fərqlidir. Dövlət və dövlətçilik naminə. Xalq və Vətənə nümunəvi xidmət! “Mən xalqımın xidmətçisiyəm”, – Bu sözlər ölkənin birinci şəxsinə məxsusdur. Deməli, hər kəs öz payını götürməlidir. Söz yox, bu paydan kimə nə düşüb-düşməməsinin biz gec və ya tez şahidi oluruq. Türk dünyasının öndəri Atatürk deyirdi: “Məni tanımaq üçün mütləq üzümü görmək lazım deyildir, mənim fikirlərimi, mənim duyğularımı anlasanız və hiss etsəniz, bu kifayətdir…" Abşeron rayon İcra Hakimiyyəti başçısı Abdin Fərzəliyevin haqqında yazmaq, onu tərifləmək, xalqa tanıtmağa ehtiyac yoxdur. Sadəcə onun rəhbərlik etdiyi sahəyə bir az nəzər salmaq kifayət edər və yetərincə bütün suallara cavab tapmış olarsan.

Bəli, Azərbaycan jurnalistikasında analogiyalardan istifadə etmək kimi uğursuz bir təcrübə yayılmaqdadır. Məsələn, hansısa bir məmur qanunsuzluğa rəvac verdiyinə görə işdən alınırsa, kütləvi informasiya vasitələri düşürlər həmin şəxsin eyni vəzifəni daşıyan həmkarlarının üstünə, başlayırlar oxşar nöqsanlar axtarmağa. Rast gəldikləri çatışmazlıq hallarını da “şişirdib” az qala ağır cinayət kimi təqdim edirlər. Abşeron rayon İcra Hakimiyyəti başçısı Abdin Fərzəliyev barədə şər və böhtan xarakterli yazıları dərc edən sayt rəhbərlərinə üzümüzü tutub deyirik ki, bizlərə məlumdur ki, bu cızma-qaraları kimlər nə məqsədlə yazdırır. Ancaq bu dərəcədə olmaz. Ziyalı olan bir insana qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Real olan budur ki, Abşeron rayon İcra Hakimiyyəti başçısı Abdin Fərzəliyev ictimaiyyət tərəfindən sevilir, hörmətlə qəbul edilir. Çünki o, bu vəzifəyə təsadüfi gəlməyib. Çünki o, oliqarx deyil və ömrü boyu hansısa post uğrunda mübarizə aparmayıb. Mübarizə apardığı bir sahə olub, o da ona tapşırılan vəzifədir ki, bu sahədə də həmişə üzüagdır. Baxın ədalətli mövqe budur. Ədalətli mövqe insana onun üçün sərf etdi-etmədi deyil, real olanı danışmaqdır. Ədalətsizlik cəmiyyətdə ölüm virusu tək təhlükəlidir, imkan vərərsiniz ənənəvi hal alar. Gələcək nəsillər naminə cəmiyyəti ədalətsizlik virusuna yoluxdurmayın.

Abşeron rayonunda vətəndaş qəbulları keçirilib

Azərbaycan Respublikasının Prezidenti cənab İlham Əliyevin vətəndaşların müraciətlərinin operativ həlli ilə bağlı göstərişlərinə uyğun olaraq Abşeron rayonunda silsilə vətəndaş qəbulları keçirilib.
Abşeron Rayon İcra Hakimiyyətinin inzibati binasında baş tutan ənənəvi vətəndaş qəbulunda RİH başçısı Abdin Fərzəliyev, şəhid ailələri, qazilər və rayon sakinləri iştirak edib.
Sakinlər rayon ərazisində parkın salınmasında, stadionun tikintisində, sənədsiz torpaq sahələrinin sənədləşdirilməsində, şəhid ailələrinə mənzillərin daha tez verilməsində, işlə təmin olunmada və digər məsələlərin həllində köməklik göstərilməsini xahiş ediblər.
Növbəti gün isə Mehdiabad qəsəbəsində Abşeron Rayon İcra Hakimiyyətinin başçısı Abdin Fərzəliyevin sakinlərlə səyyar-qəbulu keçirilib. Qəbulda hüquq-mühafizə orqanlarının, xidmət təşkilatlarının rəhbərləri, şəhid ailələri və qəsəbə sakinləri iştirak edib. İştirakçılar əvvəlcə qəsəbədəki Şəhidlər Xiyabanını ziyarət edərək abidənin önünə gül dəstələri düzüb, şəhidlərimizin əziz xatirəsini yad ediblər.
Səyyar qəbulda çıxış edən Abdin Fərzəliyev Abşeron rayonunda bir sıra böyük layihələrin icra olunduğunu, lakin əhalinin sürətli artımı səbəbindən təhsil, səhiyyə və bir sıra xidmət sahələrində yeni təlabatların meydana çıxdığını bildirib. Rayonun bütün kənd və qəsəbələrinin problemlərinin öyrənildiyini, infrastruktur problemlərinin bütün rayon ərazisində eyni olduğunu qeyd edən RİH başçısı onların qısa zamanda həllinə nail olmaq məqsədi ilə layihələrin hazırlandığını vurğulayıb.
Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə Vətən Müharibəsində xalqımızın əldə etdiyi qələbədən danışılaraq bildirilib ki, hazırda işğaldan azad edilən torpaqlarda böyük quruculuq-abadlıq işləri həyata keçirilir və artıq ötən qısa müddət ərzində kəndlərimiz və rayonlarımız bərpa olunub.
Sonra Mehdiabad qəsəbə sakinləri çıxış edərək 1 saylı orta məktəbin əsaslı təmir olunmasında, yeni məktəb və bağça binalarının inşa edilməsində, kanalizasiya xəttinin çəkilməsində, yeni marşrut xəttlərinin açılmasında, mövcudlarının isə qət etdikləri məsafənin artırılmasında və digər məsələlərin həllində köməklik göstərilməsini xahiş ediblər.
Qəbullarda sakinlər tərəfindən qaldırılan məsələlərin həlli istiqamətində müvafiq tapşırıqlar verilib.