kanal1

Bir Xalqın qurtuluşu...

Tarix:22-06-2022, 14:56
Baxış Sayı:46 308



Tarix sübut edir ki, xalqların daxilində birlik olmadığı zaman və fərdlərin öz mənafeyini xalqın mənafeyindən üstün tutduğu anlar xarici hücumlardan, müharibələrdən belə təhlükəlidir. Təssüflər olsun ki, Azərbaycan xalqı bu halların hamısını eyni anda yaşamaq məcburiyyətində qalmış, 1988-ci ildən başlanan Qarabağ müharibəsinin fonunda ölkədə daha gərgin vəziyyət yaranmış, xalqın özünə başbilən hesab etdiyi adamlar hakimiyyət eşqi ilə özləri də bilmədən düşmən qüvvələrin arzularını həyata keçirtmişdirlər. Belə bir zamanda 91lərin müraciəti ilə Heydər Əliyev Naxçıvandan Bakıya qayıtdı. 15 iyun günü baş tutan bu qayıdış tarixdə sonradan öz dəyərini alaraq “ Qurtuluş günü “ kimi qeydə alınmışdır. 
    1993-cü il 15 iyun tarixində Azərbaycan Ali Sovetinin sədri seçilən Heydər Əliyev öz tarixi çıxışında qarşısında duran müqəddəs borca sadiqliyini vurğulamış, demoktarik Azərbaycanın inkişafı uğrunda əlindən gələni edəcəyini bildirmişdir. O demişdir ki, Azərbaycan xalqının başına bundan sonra nə gəlirsə gəlsin o öz müstəqilliyini itirməyəcək, yenidən heç bir dövlətin tərkibinə daxil olmayacaq, heç bir başqa dövlətin əsarəti altına düşməyəcək. Mənə elə gəlir ki, bu sözlər Azərbaycan xalqı üçün bir miras rolunu oynayır, çünkü bu xalq artıq nə olsa belə öz azadlığından, müstəqilliyindən vaz keçməməli olduğunu öz baş komandanından və Azərbaycanın olum və  qalım savaşı verdiyi bir zamanda onun olması üçün rol oynayan əsas fiqurdan eşitmişdir. 
    1993-cü il 24 iyun tarixli iclasda Milli Məclis prezident səlahiyyətlərinin Ali Sovetin sədri Heydər Əliyevə verilməsi barədə qərar qəbul etdi. Bundan sonra eyni zamanda prezident kimi vəzifə icra edən Heydər Əliyev tezliklə ölkədəki separatçılıq hallarının qarşısını aldı və artıq vahid xarici düşmənə qarşı mübarizə əsas hədəf oldu. Bütün bunların gedişində ən önəmli məsələ Azərbaycan xalqının inandığı və güvəndiyi bir qüvvənin olması idi. Artıq xalq kimə güvənəcəyini bilirdi, düzdü vəziyyət hələdə pis olaraq qalırdı, çünkü hərşey bitmiş deyildi, lakin xalqa yön verə biləcək, düzgün strateji addımlar seçə biləcək vahid komandanlıq var idi artıq. Heydər Əliyev tezliklə ölkədə bir çox məsələləri qanun və demokratizim prinsiplərinə əsaslanaraq tənzimlədi və güclü bir Azərbaycanın ilk bünövrəsini qoydu. Məhz o bünövrə üstündə bügünkü güclü Azərbaycan mövcuddur. Məhz qoyulan düzgün strategiya nəticəsində o zaman itirdiklərimizi də 2020-ci ildə Heydər Əliyev siyasi kursunun davamçısı İlham Əliyev, onun güvəndiyi xalqı geri qaytardı. Zamanın xeyrimizə irəlilədiyini nəzərə alsaq hələ gözəl günlərin bizi gözlədiyini bilmək olar...Daha böyük arzuların yerinə yetəcəyindən, daha daha böyük uğurlar əldə edəcəyimizdən əminik...Yaşasın müstəqil və bütöv Azərbaycan!!! 

Sabunçu rayonu, 69 nömrəli tam orta məktəbin 
tarix müəllimi Xəyalə Əsgərli

Gülcan Məmmədzadə
Gülcan Məmmədzadə
Minsk qrupu münaqişənin əbədi olmasını istəyənlərin əlində alətə çevrildi
Minsk qrupu münaqişənin əbədi olmasını istəyənlərin əlində alətə çevrildi
Beynəlxalq nəqliyyat qovşağı
Beynəlxalq nəqliyyat qovşağı
AHİK sədri Səttar Möhbalıyev qazaxıstanlı həmkarları ilə görüşüb
AHİK sədri Səttar Möhbalıyev qazaxıstanlı həmkarları ilə görüşüb
Avropada meymunçiçəyinə yoluxanların sayı artıb - ÜST
Avropada meymunçiçəyinə yoluxanların sayı artıb - ÜST
İranda güclü zəlzələ: Ölən və yaralananlar var - FOTO
İranda güclü zəlzələ: Ölən və yaralananlar var - FOTO
Bayden növbəti dəfə bu hərəkəti ilə gündəm oldu
Bayden növbəti dəfə bu hərəkəti ilə gündəm oldu
Azərbaycanda Polis Günüdür!
Azərbaycanda Polis Günüdür!