Azərbaycanda maliyyə dövriyyəsi aparan təşkilatlara görə birinci dərəcəli əlillər ikinci növ vətəndaş hesab edilir...

Tarix:1-08-2022, 14:27

Baxış Sayı:131 206

Azərbaycanda maliyyə dövriyyəsi aparan təşkilatlara görə birinci dərəcəli əlillər ikinci növ vətəndaş hesab edilir...

Azərbaycanda monopoliyanın başında bank sektoru gəlir.
Mərkəzi Bank tərəfindən yeridilən maliyyə siyasəti insanlar arasında ayrıseçkiliyin təyin edilməsi prinsipi ilə həyata keçirilir.
Ölkəmizdə insanları əsasən maliyyə imkanlarına görə sortlaşdırmanı ilk dəfə banklar, sonra mobil operatorlar, daha sonra isə bütün kreditor təşkilatlar tərəfindən tətbiq edilmişdir.
Dünyanın heç bir yerində Azərbaycanda olduğu kimi birinci qrup əlillliyi olan şəxslər ikinci növ vətəndaş hesab edilərək ümumi toplum halında risk faktoru kimi qəbul edilmir.
Azərbaycanda azğınlaşmış banklar, mobil operatorlar, kredit siyasəti ilə ticarət edən şəbəkələr, qeyri bank kredit ittifaqları və sairə maliyyə dövriyyəsi həyata keçirən müəsissələr birinci qrup görmə üzrə əlilliyi olan şəxsləri tam insan qəbul etməyərək, risk faktoruna daxil etmiş və əlilliyi olan şəxslərlə maliyyə öhdəliyi qarşılığında xidmət müqavilələri bağlamaqdan imtina edirlər.
Mobil operatorlar və banklar əlilliyi olan şəxslərə telefon nömrələri daşıyıcısı olan simkartlar, debet kartlar verməkdən imtina edirlər.
Birinci qrup görmə üzrə əlilliyi olan şəxs mobil nömrə əldə etmək üçün əlavə vəsait xərcləməli, yəni, insan sayılan sağlam şəxsə etibarnamə verməli və onun vasitəsi ilə istənilən mobil operatorun simkartını əldə etmək imkanını qazanmalıdır.
Göstərilən bu faktlar insan hüquqlarına dair beynəlxalq konvensiyaların və Azərbaycan respublikasının konstitutsiyasının tələblərinə ziddir.
Əlilliyi olan şəxsləri riskli insan faktoru hesab edən banklar, mobil operatorlar, kredit birlikləri və sairə maliyyə dövriyyəsi həyata keçirən təşkilatlar əlilliyi olan şəxslər tərəfindən Azərbaycan Respublikasi Konstitutsiya Məhkəməsinə və Birləşmiş Millətlər Təşkilatının “Əlilliyi Olan Şəxslərin Hüquqlarına Dair Beynəlxalq Komitəsinə” şikayət edilməlidirlər.

İbadullayev Bəybala

Rahib Fətullayev: “Restoran və mağazalar şəbəkəsinin müdiri əliqabarlı fəhlələrə çatası 7500 manat pulun “dalına keçib” - BİABIRÇILIQ”

Gəncə şəhəri abadlaşır və gözəlləşir - FOTOLAT

211 saylı məktəbin 2-ci sinif şagirdləri həvəsləndirici mükafat aldılar…

Nizami Mayılovun yarıtmaz idarəçiliyi bugünkü cəmiyyətimizə “üzqaralığıdır”

KOBİA-nın milyonçu məmuru nazir müavini təyin olunacaq? - İDDİA

Kadr dəyişiklikləri davam edəcək: Onlar da yola salınacaq?

Mis dağındakı quldurlar – VİDEO

Rusiyadan Navalnı hücumuna REAKSİYA