ABŞ və İran arasında danışıqların davam etdiyi müddətdə İran uranın zənginləşdirilməsi üzrə fəaliyyətini dayandırmayacaq.
Belə bir bəyanatla Tehran Dialoq Forumu İranın xarici işlər naziri Abbas Araqçı çıxış edib.
ABŞ prezidenti Trampın xüsusi nümayəndəsi Stiv Uitkofun İrana nüvə silahı yaradılmasına imkan verilməyəcək bəyanatını şərh edən iranlı nazir deyib:
"Bu açıqlamalar danışıqların reallığından tamamilə uzaqdır və zənginləşdirmə davam edəcək".
Araqçı əlavə edib ki, əgər onların məqsədi nüvə silahı istehsalının qarşısını almaqdırsa, İran hazırdır: “Amma real olmayan tələbləri varsa, təbii ki, yerinə yetirilməyəcək”.
O eyni zamanda Tehranın danışıqlarının gələcək perspektivi ilə bağlı mövqeyini də açıqlayaraq bildirib ki, qeyri-real gözləntilər olacaqsa, ABŞ-la danışıqlar dayandırılacaq.
İranın (aşağı səviyyədə) uranın zənginləşdirilməsi fəaliyyətlərinin dayandırıla bilməyəcəyini deyən Araqçı bildirib: "Bu, İran xalqının mübahisəsiz haqqıdır. Bu, İran xalqının çox çalışdığı və nüvə alimlərimizin qanı da daxil olmaqla, ağır bədəl ödədiyi böyük bir elmi nailiyyətdir".
