Ötən gecə Ukrayna yüzlərlə PUA ilə Rusiyaya hücuma keçib və Rusiya tərəfi həmin PUA-lardan ancaq 160-nı zərərsizləşdirə bilib.
Rusiya Müdafiə Nazirliyinin yaydığı məlumata əsasən mayın 20-si saat 20:00-dan mayın 21-i saat 4:05-dək olan müddətdə növbətçi hava hücumundan müdafiə sistemləri Ukraynaya məxsus 127 PUA-nı məhv edib.
Bu PUA-lar əsasən Bryansk, Oryol, Kursk vilayətləri, Moskva vilayəti, Vladimir vilayəti, Ryazan, Belqorod, Tula, Kaluqa vilayətlərinin əraziləri və Qara dəniz üzərində məhv edilib.
Bundan əlavə bildirilib ki, Moskva vaxtı ilə saat 4:00-dan 8:00-a qədər növbətçi hava hücumundan müdafiə sistemləri Oryol, Bryansk və Kursk vilayətlərinin əraziləri üzərində Ukraynanın 32 PUA-sını məhv edib.
Bu Rusiya tərəfinin rəsmi açıqladığı məlumatdır. Amma sayın bundan daha çox olması barədə də Rusiya sosail şəbəkələri və Telegram kanalları məlumat verir.
