İran ABŞ-nin mülki nüvə tədqiqatlarından imtina tələbini qəbul etməyəcək.
Bunu İran prezidenti Məsud Pezeşkian bəyan edib.
İranın ali lideri Ayətullah Əli Xamneyinin siyasətlərinə uyğun olaraq ABŞ ilə danışıqları davam etdirdiklərini qeyd edən Pezeşkian bildirib ki, zülmə boyun əyməyəcəklər. Vaşinqtonun danışıqlar zamanı İrandan uranın zənginləşdirilməsi fəaliyyətlərini və nüvə tədqiqatlarını tamamilə dayandırmasını tələb etdiyini vurğulayan Pezeşkian deyib: "Kim dedi ki, elmi araşdırmalar aparmaq üçün icazə lazımdır? Onlar kimlərdir ki, bizim bütün nüvə sənayemizi dağıtsın?"
Ölkə daxilində insanları birliyə çağıran Pezeşkian bildirib: "Aramıza nifaq salmaq, vəziyyətdən istifadə edib bizə hücum etmək istəyirlər".
