ABŞ Dövlət katibi Marko Rubio, Fransa, Almaniya və Böyük Britaniyanın xarici işlər nazirləri telefon danışığı zamanı avqustun sonunu İranla nüvə sazişinə nail olmaq üçün son tarix kimi təyin etmək barədə razılığa gəlib.
Axar.az xəbər verir ki, bu barədə “Axios” mənbələrə istinadən məlumat yayıb.
“Bu son tarixə qədər razılaşma əldə olunmasa, üç Avropa dövləti 2015-ci il İran razılaşmasına əsasən qaldırılan BMT Təhlükəsizlik Şurasının sanksiyaları üçün “dərhal geri qayıtma” mexanizmini işə salmağı planlaşdırır. Avropalılar yaxın vaxtlarda İranla danışıqlara başlamaq niyyətindədir və onlar Tehranı sanksiyalardan yayınmağa inandırmağa çalışırlar. Amma bunun üçün İran nüvə proqramının sülhməramlı olduğunu sübut edəcək addımlar atmalıdır”, - mənbə bildirib.
