Türkiyənin Kayseri şəhərindəki milyonluq lüks avtomobil salonunda çəkilən səhər yeməyi görüntülərində yer alan Nevşehirbələdiyyə sədri Rasim Arı gündəm olub.
sosial mediada yayılan kadrlarla bağlı Rasim Arı açıqlama verib.
Tənqidlərdən sonra məsələ ilə bağlı açıqlama verən Rasim Arı görüntüləri təsdiqləsə də, səhər yeməyinin özləri tərəfindən təşkil olunmadığını bildirib:
“Bu gün sosial mediada yayılan səhər yeməyi görüntüləri ilə bağlı hər hansı anlaşılmazlığın qarşısını almaq üçün açıqlama verməyə məcbur oldum. Şəkildəki səhər yeməyi nə bizim tərəfimizdən hazırlanıb, nə də paylaşıldı. Bu, qonaq kimi dəvət olunduğumuz bir məkan idi. Biznes sahibinin sosial media paylaşımlarına baxanda onun yanına gələn hər kəsə eyni şəkildə yanaşdığı görünür”.
Rasim Arı əlavə edib ki, vəzifəyə başladığı gündən bəri sosial, mədəni və iqtisadi ayrı-seçkilik etmədən bütün dəvətlərə cavab verir:
“Hər zaman olduğu kimi, şəxsi həyatımızda ictimai resurslardan istifadə etməmişik və etməyəcəyik. Bu məsələdə mövqeyimiz aydındır. Vətəndaşlarımız bizi yalnız bir görüntüyə görə qiymətləndirməməlidir”.
Hadisə ilə bağlı müzakirələr davam edir.
