Avropa Komissiyası Belçikanın dondurulmuş Rusiya aktivlərinin istifadəsinə dəstəyini təmin etmək üçün təklif hazırlayır.
Məlumatı Politico məlumatlı mənbələrə istinadən yayıb.
Beş Aİ diplomatı və rəsmisinin sözlərinə görə, hazırda hər hansı bir Aİ ölkəsinin Rusiya əleyhinə sanksiyaların uzadılmasına veto qoymaq imkanının qarşısını alacaq hüquqi çərçivə hazırlanır. Çünki Avropada Rusiyanın tərəfdarı olan ölkələrdən birinin belə vetosu Belçikanı Ukraynaya verilən dondurulmuş Rusiya aktivlərinin maliyyələşdirilməsi üçün istifadə edilən 140 milyard avroluq krediti Moskvaya qaytarmağa məcbur edə bilər.
Avropa Komissiyasının bu perspektivdən qaçmaq üçün Belçikanın heç bir Aİ ölkəsinin sanksiyaları qaldıra bilməyəcəyinə əmin olmasını təmin etməyə çalışır. Bu məqsədlə AK hökumətlərə "üzv dövlətlər arasında həmrəylik ruhunda iqtisadi vəziyyətə uyğun tədbirlər barədə qərar verməyə" imkan verən Aİ Müqaviləsinin 122-ci maddəsindəki bəndi tətbiq etmək istəyir.
Komissiya bu bəndi elə şərh etmək istəyir ki, üzv ölkələrin sadə çoxluğu maliyyə risklərinin kifayət qədər yüksək olduğunu əsas gətirməklə sanksiyaların uzadılmasını təsdiqləyə bilsin və beləliklə də Rusiyapərəst Aİ üzv dövlətini potensial veto hüququndan məhrum etsin.
Bir diplomat bildirib ki, bu strategiya "Belçikanın dəstəyini təmin etmək" üçün bir yoldur: "Əsas məsələ Avropa Komissiyasının son hüquqi təşəbbüsünün Belçikanın Baş naziri Bart De Veveri qane edib-etməyəcəyidir. Çünki yalnız Baş nazir Brüsseldəki Euroclear bankından Rusiya vəsaitlərinin çıxarılmasına icazə verə bilər".
