Rusiya xarici işlər naziri Sergey Lavrov artıq bir aya yaxındır ki, əsas beynəlxalq danışıqlarda görünmür və bu, nə Putinin qəzəbinin, nə də mümkün istefanın nəticəsidir.
Bu barədə Jurnalist Aleksey Venediktov məlumat yayəb.
Onun məlumatına görə, onun uzunmüddətli yoxluğunun səbəbi sağlıq problemləridir.
Son bir ayda Lavrov:
ABŞ nümayəndələri ilə Moskva görüşündə iştirak etməyib;
noyabrın 5-də keçirilən rezonanslı Təhlükəsizlik Şurası iclasını buraxıb;
ASEAN, APEC və G20 sammitlərinə qatılmayıb;
Putinlə Tokaevin görüşündə də görünməyib.
Kreml onun yoxluğunu müxtəlif bəhanələrlə izah edir: guya “Çin XİN rəhbəri ilə danışıqlar aparırdı” və ya “iş qrafiki belə tələb edir”. Lakin yüksək mənbələrdən Venediktova verilən cavab daha açıq olub:
“Tibbi sirr anlayışını bilirsən? O halda sus.”
75 yaşlı Lavrovun səhhətində problemlərin olması barədə şayiələr yeni deyil. 2022-ci ildə Bali sammiti zamanı onun ürəklə bağlı xəstəxanaya yerləşdirildiyi barədə xəbərlər yayılmışdı — MİD bunu təkzib etsə də, suallar açıq qalmışdı.
Lavrov “opala düşməsi” barədə iddiaları da, səhhət problemlərini də inkar edir, lakin noyabrdan bəri jurnalistlərin suallarına bir dəfə də çıxmayıb.
