Rusiyanın dron zərbəsi nəticəsində zədələnən Çernobıl Atom Elektrik Stansiyasındakı yeni sarkofaq artıq əsas funksiyalarını yerinə yetirmir.
Bu açıqlama ilə Beynəlxalq Atom Enerjisi Agentliyinin(MAQATE) mətbuat xidməti çıxış edib.Məlumata görə, ötən həftə agentliyin missiyası bu ilin fevral ayında Rusiya pilotsuz təyyarəsi tərəfindən vurulduqdan sonra Çernobıl Atom Elektrik Stansiyasındakı Yeni Təhlükəsiz Məhdudlaşdırmanın (YTM) hərtərəfli qiymətləndirilməsini başa çatdırıb.
Sarkofaq 1986-cı ildə baş verən qəzada dağıdılmış reaktordan radioaktiv maddələrin yayılmasının qarşısını almaq üçün tikilmiş nəhəng polad konstruksiyadır. Qiymətləndirmə nəticəsində BAEA missiyası aşağıdakıları müəyyən edib:
Sarkofaq izolyasiya qabiliyyəti də daxil olmaqla "əsas təhlükəsizlik funksiyalarını itirib";
Dəstəkləyici konstruksiyalar və monitorinq sistemləri daimi zədələnməyə məruz qalmayıb.
MAQATE baş direktoru Rafael Qrossi vurğulayıb ki, "damda məhdud müvəqqəti təmir işləri aparılıb, lakin vaxtında və hərtərəfli bərpa daha da deqradasiyanın qarşısını almaq və uzunmüddətli nüvə təhlükəsizliyini təmin etmək üçün vacibdir".
MAQATE sarkofaqın qoruyucu strukturlarının bərpasını və gücləndirilməsini davam etdirməyi tövsiyə etdi: rütubətə nəzarətin tətbiqi, korroziya monitorinq proqramının yenilənməsi və qəzadan sonra reaktorun üzərində tikilmiş sığınacaq üçün avtomatlaşdırılmış monitorinq sisteminin təkmilləşdirilməsi.
Xatırladaq ki, Rusiya fevralın 14-də Çernobıl Atom Elektrik Stansiyasının dağıdılmış dördüncü enerji blokunun sarkofaqını dronla vurub. Hücum nəticəsində sığınacaq faktiki olaraq dağılıb. Lakin radiasiya səviyyəsi normal olaraq qalır.
