"Terrorsuz Türkiyə" prosesində təkcəTürkiyə deyil, eyni zamanda İraq və Suriyadakı PKK-nın qolu olan YPG/PYD məsələsi də bunun tərkib hissəsi kimi nəzərdən keçirilir.
Bunu Türkiyə parlamentinin deputatı Əbdürrəhman Babacan deyib.
Türkiyənin İsrailin Suriyadakı müəyyən qrupları qızışdırmaq səylərindən xəbərdar olduğunu və onları izlədiyini deyən Babacan bildirib ki, Türkiydə olduğu kimi, Suriya və İraqdakı kürdlər bu coğrafiyanın və bu ölkənin ortaq şərəfini, ortaq tarixi və mədəni quruluşunu təmsil edirlər.
Bununla belə Babacan PKK-nın Suriya qolu olan YPG-yə İsrail ilə hər hansı bir təşəbbüsdə iştirak etməmək barədə açıq bir xəbərdarlıq edərək deyib ki, onlar qırmızı xətləri keçəcəyi təqdirdə Türkiyənin hərbi müdaxilə edəcək:
“YPG-nin İsraillə əlaqə qurması Türkiyənin qırmızı xəttini aşır. Türkiyə ora müdaxilə edəcək. Qətiyyətlə müdaxilə edəcək. Və biz bunu bütün tərəflərə, Amerika administrasiyasına, Mərkəzi Silahlı Qüvvələr Komandanlığına bildirmışık”.
