Nikolas Maduronun qaçırılması ilə bağlı yayılan görüntülər gözlənilməz şəkildə qlobal moda trendinə çevrilib.
Sözügedən fotolarda Maduronun üzərində olduğu iddia edilən boz rəngli Nike Tech Fleece idman kostyumuna maraq kəskin artıb və brendin rəsmi saytında bir çox ölçülər qısa müddətdə tükənib.
Sosial şəbəkələrdə minlərlə paylaşım və müzakirə mövzusu olan bu geyim “Maduro effekti” adı ilə trendə çevrilib. İstifadəçilər eyni model kostyumu almaq üçün onlayn mağazalara axın edib, nəticədə bəzi ölkələrdə məhsulun mövcudluğu məhdudlaşıb.
Qeyd olunur ki, Just Do It şüarı ilə tanınan Nike Tech Fleece kolleksiyası əvvəldən də populyar idi. Lakin Maduronun qalmaqallı görüntülərindən sonra bu geyim sadəcə idman dəsti deyil, siyasi və mediativ simvola çevrilərək satışlarda rekord artım yaradıb.
