Qəzza münaqişəsini bitirmək üzrə prezidentin 20 maddəli planının II fazasının başlanmasını elan edirik. Plan atəşkəsdən silahsızlaşdırmaya, texnokrat idarəçiliyə və bərpa işlərinə keçidi nəzərdə tutur.
Bu barədə ABŞ prezidentinin xüsusi elçisi Stiv Uitkofun yaydığı bəyanatda bildirilib.
Qeyd olunub ki, II faza çərçivəsində Qəzzada keçid dövrü texnokrat Fələstin idarəçiliyi – Qəzza İdarəetmə üzrə Milli Komitə (NCAG) yaradılır və Qəzzanın tam silahsızlaşdırılması və bərpasına başlanır. Əsas məqsəd bütün icazəsiz şəxslərin silahsızlaşdırılmasıdır. ABŞ, HƏMAS-ın öhdəliklərini tam şəkildə yerinə yetirəcəyini, o cümlədən son həlak olmuş girovun dərhal qaytarılmasını gözləyir. Bu öhdəliyin yerinə yetirilməməsi ciddi nəticələrə səbəb olacaq.
Uitkof onu da qeyd edib ki, I fazada tarixi humanitar yardım təqdim edilib, atəşkəs qorunub, bütün sağ girovlar və iyirmi səkkiz həlak olmuş girovdan iyirmi yeddisinin cəsədlərini qaytarılıb. “ABŞ bu irəliləyişin mümkün olmasını təmin edən vacib vasitəçilik səylərinə görə Misirə, Türkiyəyə və Qətərə təşəkkürünü bildirib”, deyə o qeyd edib.
