ABŞ-də tüğyan edən qar fırtınasının qurbanlarının sayı 85 nəfərə çatıb.
“Qafqazinfo” xəbər verir ki, bu barədə “Assosiated Press” agentliyi fəlakətdən ən çox zərər çəkmiş ştatların hakimiyyət orqanlarından əldə etdiyi statistik göstəricilərə istinadən məlumat yayıb.
Bildirilir ki, ölüm hadisələrinin təxminən yarısı qış fəslinin adətən sərt keçmədiyi cənub ştatları - Tennessi, Missisipi və Luizianada qeydə alınıb.
Hava şəraiti ilə əlaqəli ölüm halları əsasən hipotermiya, dəm qazı zəhərlənməsi və nəqliyyat vasitələrinin iştirakı ilə baş vermiş qəzalar səbəbindən olub.
Xatırladaq ki, daha əvvəl güclü qar fırtınası nəticəsində ölənlərin sayının 73 nəfər olduğu bildirilirdi.
