Fransa prezidentliyə 2 nömrəli namizəd Marin Le Penin seçicilərinə verdiyi son vədi müzakirələrə səbəb olub.
Xarici KİV xəbər verir ki, İslama və immiqrasiyaya qarşı çıxması ilə diqqət çəkən Milli Birlik lideri Le Pen ictimai yerlərdə hicab qadağası tətbiq edəcəyini bildirib.
Fransanın RTL radiosuna danışan Marin Le Pen ictimai yerlərdə hicab taxanların təhlükəsizlik kəməri taxmayan sürücülər kimi cəzalandırılacaqlar. Bunun üçün polis işləməli olacaq”- o deyib.
Xatırladaq ki, Fransanın hazırkı Prezidenti Emmanuel Makron seçkilərdə irəlidə görünür, lakin seçkilərin aprelin 24-də ikinci tura çıxacağı gözlənilir. Sorğuların nəticəsinə görə, Le Pen ikinci turda Makronun ən yaxın rəqibi olacaq.
Onu da qeyd edək ki, bazar günü Fransada prezident seçkiləri keçiriləcək.
