Ukrayna Aİ-nin 90 milyard avroluq dəstək paketinin ilk hissəsini Silahlı Qüvvələrə ayırmaq niyyətindədir.
Bu barədə Ukrayna Prezidenti Volodimir Zelenski "Telegram"da bildirib.
O bildirib ki, bura silah və hava hücumundan müdafiə sistemlərinin alınması, eləcə də qışa hazırlıq daxildir.
Ukrayna lideri yazıb: "Bu vəsait ordumuz üçün nəzərdə tutulub və biz onunla silah, xüsusən də hava hücumundan müdafiə sistemləri almaq üçün istifadə etməyə hazırıq. Bu maliyyələşdirmə həmçinin qışa hazırlaşmağımıza kömək edəcək və enerji sistemimizi qorumaq üçün işlər artıq başlayıb. Avropa fondları da dəstək verəcək".
Zelenski Kiyevin ilk tranşın mümkün qədər tez bir zamanda ayrılmasını gözlədiyini vurğulayaraq, bütün Avropa liderlərinə Ukraynaya və Rusiyaya qarşı 20-ci sanksiyalar paketinə dəstəklərinə görə təşəkkür edib.
Dövlət başçısı əlavə edib ki, xüsusən də amerikalıların bəzilərini yumşaltdığını nəzərə alsaq, sanksiyaların sərtləşdirilməsi düzgün addımdır.
