İsrailin Baş naziri Benyamin Netanyahu Türkiyəyə F-35 qırıcılarının verilməsinə yenidən etiraz edib.
Netanyahu Türkiyəyə F-35 qırıcılarının verilməsinin Yaxın Şərqdə qüvvələr balansını pozacağını iddia edib. O, bu mövqeyini Ankaranın guya aqressiv niyyətlərə malik olması ilə əsaslandırmağa çalışıb.
Bundan əvvəl Axios nəşri Netanyahunun ABŞ Prezidenti Donald Trampa müraciət edərək Türkiyəyə F-35 qırıcılarının verilməsindən çəkinməsini xahiş etdiyini yazmışdı.
Bu gün isə Tramp 2017-ci ildə Türkiyənin Rusiyadan S-400 hava hücumundan müdafiə sistemlərini almasına görə tətbiq etdiyi sanksiyaların ləğv ediləcəyini vəd edib.
