Rusiyanın Ukraynadakı dəmir yoluna raket zərbələri cəbhə xəttinə silah və hərbi texnikanın çatdırılmasını çətinləşdirə bilər.
Bunu RBC-Ukraynaya müsahibəsində ukraynalı hərbçi, ehtiyatda olan polkovnik Oleq Jdanov deyib.
"Fakt budur ki, biz onu (silahları) müxtəlif yollarla gətirə bilərik. Amma təcavüzkar çalışır, çünki bu gün onun çatdırılmalara müdaxilə etmək üçün başqa yolu yoxdur", - ekspert qeyd edib. .
Onun fikrincə, Rusiya prezidenti Vladimir Putin Ukraynaya silah tədarükünün qarşısını almaq üçün özünü Belarus prezidenti adlandıran Aleksandr Lukaşenkoya təzyiqlərini davam etdirəcək.
"Mən başa düşdüyüm kimi, yaxın vaxtlarda Putinlə Lukaşenko arasında yenidən görüş baş tutacaq... Məncə, Putin yenidən Lukaşenkonu Belarus ordusunu Lutsk - Lvov istiqamətində zərbə endirməyə məcbur edəcək. Baxmayaraq ki, Lukaşenko hələ müharibənin ilk günlərində Putinin bu niyyətini rədd edib. Düşünürəm ki, bu gün Lukaşenko buna getməyəcək və buna inanmıram. Ancaq Putin ona çox təzyiq göstərəcək", - Jdanov hesab edir.
