kanal1

50 saylı Yol İstismar İdarəsinin “kral”ı kimdir?

Tarix:16-12-2022, 10:23
Baxış Sayı:66 284



Füzuli Babayev:  “Mən təqaüddə olan şəxsəm, nəsə başa düşə bilmirəm. Mənə niyə tapşırıq verirlər?”

   Bir çox media qurumları üzərindən apardığımız jurnalist araşdırmalarından, əksər neftçalalıların danışdıqlarından  və s. bəlli olur ki, 50 saylı Yol İstismar idarəsinin əvvəlki rəisi Füzuli Babayev, vaxtilə rəhbərlik etdiyi bu idarədə əməlli-başlıca “kral üsul-idarəsi” formalaşdıra bilib. O halda sual oluna bilər ki, görəsən bu şəxs  hansı qabiliyyətin sahibidir ki, vaxtilə “Sədərək” Ticarət Mərkəzində .......  satışı ilə məşğul olmaqla yol istismar idarəsində müdir vəzifəsinə sahiblənən Füzuli Babayev, müəyyən vaxtdan sonra 50 saylı Yol İstismar idarəsində “kral üsul-idarəsi” formalaşdırır? Deməli, burada müəyyən incəliklər, əksəriyyətin bilmədikləri həssas məqamlar var ki, bu şəxs birbaşa “Sədərək”dən yol istismar idarəsinə müdir vəzifəsinə “transfer” olmağı bacarır. Bu yöndə apardığımız araşdırmalar zamanı o da bəlli oldu ki, bu şəxs müdir vəzifəsinə sahibləndikdən bir müddət sonra əməlli-başlıca var-dövlətə sahib olur. Yəni, çox keçmir ki, köhnə yolları təzələmək adı altında pullar silinir, idarənin balansında olan karyerin qumu, qrabili yük maşınları ilə daşınıb imkanlı şəxslərə satılır, ticarətlə məşğul olan şəxslərin mağazalarının, yaşayış evlərinin qarşısına asfalt örtüyü döşənib pul qazanılır. Bütün bunların nəticəsi olaraq, çox keçmir ki, Füzuli Babayev oliqarx həyatı yaşayır, qısa zaman kəsiyində geniş var-dövlətə, bahalı maşınlara sahib olur, günlərini restoranlarda, ziyafət məclislərində keçirir. Söz yox ki, bu şəxs belə bir imkanın hansısa kənar şəxsin ixtiyarına keçməsinə heç cür razı ola bilməzdi. Ona görə də o, əvvəlcədən düzüb-qoşduğu, formalaşdırdığı “kral üsul-idarəsi” prinsiplərini əsas tutaraq, məhz 50 saylı Yol İstismar idarəsində müdir vəzifəsini doğma oğlu Ruslan Babayevə ötürür. Elə ki, verilmiş belə bir təyinatla bağlı hansısa ünvanda müzakirələr aparılır, o halda əvvəlki müdir Füzuli Babayev “Bilirsiniz, mənim oğlum əvvəllər Əvəz Qocayevin yanında işləyib, sonra da Əvəz müəllim məsləhət gördü və o, oğlumu bu idarəyə müdir təyin etdirdi” deyir. Düzdür, Füzuli müəllim Əvəz Qocayevə qarşı belə bir münasibətdə olsa da, onun Neftçala RİH-nin başçısına qarşı fərqli münasibətdə olduğunu, məhz dilə gətirdiyi narazılıqlardan da hiss etmək mümkündür. Məsələn, əksəriyyətə bəllidir ki, yaxın vaxtlarda ölkə rəhbərinin bu rayona rəsmi səfəri baş tutacaq. Ona görə də indidən müəyyən hazırlıq işləri görülür və Neftçala RİH tərəfindən rayon ərazisindəki idarə, müəssisə, təşkilat rəhbərlərinə müvafiq tapşırıqlar da verilir. Belə bir tapşırıq 50 saylı Yol İstismar idarəsinin bugünkü rəisi Ruslan Babayevə deyil, məhz onun atası, bu idarənin ağsaqqal rəhbəri, hal-hazırda təqaüddə olan Füzuli Babayevə verilir. Söylənilənlərə görə o, belə bir tapşırıqdan sonra “Mən təqaüddə olan şəxsəm, nəsə başa düşə bilmirəm. Mənə niyə tapşırıq verirlər?” deyərək, rayon rəhbərliyinə qarşı orda-burda giley-güzarını bildirir.
    Diqqəti bir məqama da yönəldək ki, son vaxtlar ayrı-ayrı media qurumlarında müəyyən məqalələr yayımlanır ki, guya 50 saylı Yol İstismar idarəsinin bugünkü müdiri Ruslan Babayev çevik idarəetmə bacarığına malik şəxs olduğundan, o, indiyə kimi bənzəri olmayan uğurlara imza atıb. Belə bir məqalələrin yayımlanmasına baxmayaraq, Neftçalanın bəzi sakinləri bu şəxslə bağlı fərli fikirlər səsləndirirlər və hətta, onu ara-sıra “topa tutmaq”dan da ehtiyat etmirlər. Çünki, Neftçala sakinləri ilə bərabər, Ruslan Babayevin rəhbərlik etdiyi kollektiv üzvləri daha dəqiq məlumata malikdirlər ki, bu şəxs idarəçiliyini həyata keçirərkən hansı “oyun qaydaları” oynayır, büdcə vəsaitlərini və digər əmlakları hansı yollarla “tarmar edir”. Qarşı tərəfin də mövqeyini dinləyə bilərik. Daha ətraflı növbəti yazımızda yayımlanacaq. Bizi izləməyi unutmayın.

Azərbaycanın İrandakı səfirliyinə hücum zamanı yaralananların vəziyyəti AÇIQLANDI
Azərbaycanın İrandakı səfirliyinə hücum zamanı yaralananların vəziyyəti AÇIQLANDI
Təhlükəsizlik mütəxəssisi “Haber Global”a danışdı: “Öldürməyə motivasiya edilmiş qatildən bəhs edirik” - VİDEO
Təhlükəsizlik mütəxəssisi “Haber Global”a danışdı: “Öldürməyə motivasiya edilmiş qatildən bəhs edirik” - VİDEO
Səlcuq Bayraktar Azərbaycan xalqına başsağlığı verib
Səlcuq Bayraktar Azərbaycan xalqına başsağlığı verib
Rusiya Qarabağda NƏ HOQQA ÇIXARIR? - Hürən itin əsl sahibi Kremldir...
Rusiya Qarabağda NƏ HOQQA ÇIXARIR? - Hürən itin əsl sahibi Kremldir...
Ermənistan müharibəyə cəhd etsə... - NƏ ETMƏLİ?
Ermənistan müharibəyə cəhd etsə... - NƏ ETMƏLİ?
“Ermənilər Cənubi Qafqazda yaşamaq haqqını itiriblər” - Zatən burda qonaq idilər...
“Ermənilər Cənubi Qafqazda yaşamaq haqqını itiriblər” - Zatən burda qonaq idilər...
Amerika Cənubi Qafqazda nə qədər səmimidir?.. - Ekspertlər danışır
Amerika Cənubi Qafqazda nə qədər səmimidir?.. - Ekspertlər danışır
Quranı yandıran şəxs Ərdoğanı “hədələdi”
Quranı yandıran şəxs Ərdoğanı “hədələdi”