Qazax Dövlət Sosial-İqtisadi Kollecinin direktoru Elşad Quliyevin bacısı, Quliyeva Mehbarə İlyas qızı 62 yaşında dünyasını dəyişmişdir. Bu ağır itki münasibətilə ATVxeber.az saytının rəhbərliyi və kollektivi olaraq, mərhumənin ailəsinə, yaxınlarına və doğmalarına dərin hüznlə başsağlığı veririk.
Mehbarə xanım ailəsi və ətrafı tərəfindən dərin hörmət və sevgi ilə qarşılanan, qayğıkeş, nurlu bir insan idi. Onun ömür yolu nümunəvi insanlıq dəyərləri ilə zəngin olmuş, ətrafına daim xeyirxahlıq, mehribanlıq və mərhəmət bəxş etmişdir.
Onun vəfatı ailəsi və doğmaları üçün olduqca ağır bir itkidir. Əziz insanını itirmək, onun mehriban simasını bir daha görə bilməmək, səsini eşitməmək, xatirələri ilə yaşamaq hər kəs üçün çətindir. Lakin böyük ürək sahibi olan Mehbarə xanımın əziz xatirəsi onu tanıyanların qəlbində daim yaşayacaqdır.
Bu acı günlərdə mərhumənin ailəsinə Allahdan səbir, mərhuməyə isə Allahdan rəhmət diləyirik. Onun ruhu şad, məkanı cənnət olsun!
ATVxeber.az saytının rəhbərliyi və kollektivi
