Britaniyada maşın futbol azarkeşlərinin üzərinə sürüb.
Daily Mail bildirir ki, hadisə "Liverpul" klubunun minlərlə azarkeşinin komandanın çempionatda qələbəsini qeyd etdiyi Liverpul şəhərində baş verib.
Şəhər polisi şübhəlinin saxlanıldığını və araşdırma aparıldığını bildirib.
Liverpulda izdihamın üzərinə sürən avtomobil terror aktı kimi qiymətləndirilmir. Polis hadisə ilə bağlı araşdırmanın hələ də davam etdiyini bildirib. Hadisə zamanı aralarında uşaqların da olduğu 45-dən çox adam yaralanıb, onlardan 27-si xəstəxanaya aparılıb.
Mayın 26-da İngiltərənin Liverpul şəhərində avtomobil futbol azarkeşlərinin üzərinə sürüb. Hadisə ilə bağlı avtomobilin sürücüsü olduğu ehtimal edilən 53 yaşlı britaniyalı saxlanılıb.
