"Napoli" və "Qalatasaray" arasında Viktor Osimhen üçün danışıqlar davam edir.
Offsideplus.az xəbər verir ki, "sarı-qırmızılar" İtaliya klubuna son təklifi 75 milyon avronun 40-nı indi, qalan 35-ni iki ilə bölərək ödəməyi planlaşdırır.
"Napoli" isə bu dəfə tələblərini dəyişib. Onlar təklifin 1-ci hissəsi ilə razılaşıb. Lakin qalan 35 milyonun növbəti ilin mayında ödənilməsini tələb edir.
Eyni zamanda onlar Osimhenin növbəti satışından pay və müqavilədə onun 3 il ərzində İtaliya klublarına satıla bilməz bəndinin olmağını istəyir..
"Qalatasaray" isə təkliflərinin son olduğunu bildirib. Klublar arasında danışıqlar davam edir.
