2026-cı il dünya çempionatında 1/16 final mərhələsinin növbəti oyunu keçirilib.
Apasport xəbər verir ki, pley-off mərhələsində Niderland və Mərakeş milliləri üz-üzə gəlib.
Görüş Bakı vaxtı ilə saat 05:00-da başlayıb.
Oyunda hesab 72-ci dəqiqədə açılıb. Kodi Qakpo Niderlandı önə keçirən qolu vurub. 90+1-ci dəqiqədə İssa Diop hesabı 1:1 edib və matç əlavə vaxta gedib.
Artırılan hissələrdə də tarazlıq pozulmayıb və qalib penaltilər seriyasından sonra bəlli olub.
Penaltilər seriyasında daha dəqiq oynayan Mərakeş millisi adını 1/8 finala yazdırıb: 3:2.
Afrikalılar bu mərhələdə Kanada ilə qarşılaşacaqlar.
DÇ-2026
1/16 final
30 iyun
05:00. Niderland – Mərakeş 1:1
Qol: K. Qakpo, 72, İ. Diop, 90+1
Niderland: Verbruggen, van Heke, van Deyk, Ake, Dumfris, Qravenberx, de Yonq, van de Ven, Sammervill, Qakpo, Brobbi
Mərakeş: Bono, Mazraui, Riad, Diop, Hakimi, Buaddi, Əl Aynaui, Əl Hannus, Unahi, Dias, Saybari.
