Dövlət büdcəsindən ən çox vəsait qeyri-maliyyə aktivlərinin alınmasına yönəldilib
Bu məsələ "Azərbaycan Respublikasının 2025-ci il dövlət büdcəsinin icrası haqqında" Qanun layihəsində əksini tapıb.
Qeyd olunub ki, dövlət büdcəsinin xərcləri üzrə qeyri-maliyyə aktivlərinin alınmasına (işğaldan azad olunmuş ərazilərin yenidən qurulması və bərpası, dövlət əsaslı vəsait qoyuluşu xərcləri, sosial, mədəni və məişət təyinatlı obyektlərinin əsaslı təmiri və yenidən qurulması, maşın və avadanlıqlar, qeyri-maddi aktivlərin alınması və s.) 12 milyard 949.3 milyon manat, əməyin ödənişinə 9 milyard 90 milyon manat, malların (işlərin və xidmətlərin) satın alınmasına (dəftərxana, yanacaq və sürtkü, ərzaq, dərman və sarğı ləvazimatları, yumşaq inventarın alınması, kommunal (elektrik, qaz, su, istilik və s. haqqının ödənilməsi), ezamiyyə, cari təmir və s.) 5 milyard 893 milyon manat, faizlər üzrə ödənişlərə 1003,0 milyon manat, subsidiyalara 1 milyard 167.1 milyon manat, qrantlar və digər ödənişlərə (Naxçıvan Muxtar Respublikasının büdcəsinə verilən dotasiya, dövlət sosial müdafiə fondunun büdcəsinin balanslaşdırılmasına ayrılan vəsait, icbari tibbi sığorta fonduna ayrılan vəsait, dövlət adından yaradılan publik hüquqi şəxslərə ödənişlər və s.) 3 milyard 970 milyon manat, sosial ödənişlərə 3 milyard 146.3 milyon manat, dövlət icbari şəxsi sığorta xərclərinə 51.7 milyon manat, maliyyə aktivləri üzrə əməliyyatlara 237.8 milyon manat, öhdəliklər üzrə əməliyyatlara 1 milyard 96.4 milyon manat vəsait sərf edilib.
