Şəhidin şəhid oğlu tarixə yazılacaq!

Tarix:17-03-2022, 13:11

Baxış Sayı:268 820

Müharibə Veteranı Qadınlarına Sosial Yardım İctimai birliyinin həyata keçirdiyi Şəhidlərimizin tanıdılması məqsədi ilə "Vətən yolu" filminin çəkilməsi adlı layihə Azərbaycan Respublikasının Qeyri Hökumət Təşkilatlarına Dövlət Dəstəyi Agentliyini tərəfindən maliyyələşdirilir.
Layihənin icrası məqsədilə Yardımlı və Beyləqan rayonlarında çəkilişlər aparılırb. Hər iki rayonda çəkilişlər başa çatıb. Beyləqan rayonundan olan şəhid ata Yaqubli Telman və onun şəhid oğlu Yaqublu Fərmanın həyat hekayətləri filmimizdə işıqlandırılacaq. Beyləqan rayonunun Qəhramanlı kəndində doğulub böyümüş Yaqublu Telman 1992-ci ildə Azərbaycanın ərazi bötövlüyü təhlükə qarşısında olarkən döyüşə gedən soydaşlarımızdandır. Telmanın həyat yolundan ailəsi, döyüş yolundan isə döyüş dostları danışdılar. Telman 1992-ci ilin döyüşlərində 27 yaşında şəhid olur. Telman Yaqublu şəhid olanda oğlu Fərmanın çox körpə idi dünyada nə baş verdiyindən xəbərsiz körpə olub. Ata üzü görmədən ata məhəbbətini hiss etmədən çətinliklərdə böyümüş Fərmanda vətən sevgisi ilə yaşayıb. 2020-ci il Sentyabr ayının 27 də vətənin işğaldan azad edilməsi məqamında Fərmanda atasının yolu ilə gedib. Vətən yolunda atası yaşında, tam 27 yaşı olarkən şəhid olub. Evlənmədən, övladı olmadan dünyadan köç edən vətənə çevrilən Fəraman Vətən yolu filminin qəhramanlarından biridir. Onun vətən yolunda xidmətləri dövlətimiz tərəfindən medallarla qiymətləndirilib.
Filmimizin digər qəhramaları isə Yardımlı rayonundan olan qazi Aslanov Elşənin şəhid oğlu Tural Aslanovdur. Turalın atası və üç əmisidə 1992-ci ildə vətən yolunda döyüşmüş soydaşlarımızdırlar.
Allah bütün şəhidlərimizə rəhmət eyləsin.
Layihə rəhbəri Radə Abbas