"Laçın dəhlizinin açarı" - Qubadlı: Düşmənin məxfi planı necə alt-üst edildi?
Tarix:27-10-2025, 09:00
Baxış Sayı:27 712
Qubadlının azad edildiyi gün Azərbaycan tarixinin qızıl səhifələrindən biri kimi yaddaşlara həkk olunub.
Qubadlı əməliyyatı Ordumuzun iradə və qətiyyətinin simvoluna çevrildi və Şuşaya gedən yolun əsas halqası oldu. Ermənistan bu rayonu illərlə Laçın dəhlizinin təhlükəsizliyini təmin edən strateji baza kimi istifadə etmişdi.
Azərbaycan Ordusunun "Harop" dronu ilə "S-300" sistemini məhv etməsi Qubadlı əməliyyatının dönüş nöqtəsi oldu. Balasoltanlıdan başlayan irəliləyişlə Ordumuz ardıcıl kəndləri azad edərək düşmənin müdafiə xəttini yarmağa nail oldu.
Düşmənin planlaşdırdığı əks-hücum "Smerç" zərbələri və kəşfiyyatın düzgün koordinasiyası ilə tam iflasa uğradıldı. 25 oktyabrda Qubadlının mühasirəsi tamamlandı, 26 oktyabrda isə şəhər rəsmi şəkildə azad olundu. Qubadlının azadlığı Laçın dəhlizinə yol açdı və Azərbaycanın hərbi üstünlüyünü dünyaya nümayiş etdirdi. Bu gün Qubadlıda dalğalanan Bayraq yalnız Qələbənin deyil, hərbi uzaqgörənliyin və milli iradənin qırılmaz rəmzidir.
