Moskvada Azərbaycan, Rusiya və Ermənistan liderlərinin arasında baş tutacaq üçtərəfli formatda keçirilən Zirvə görüşü elə də sadə olmayacaq.
Bu barədə “kommersant” yazıb.
Nəşrin yazdığına görə, üçtərəfli formatda Azərbaycan, Rusiya və Ermənistan liderləri İlham Əliyev, Vladimir Putin və Nikol Paşinyan arasında keçirilən Zirvə görüşünün yekununda ən azı iki sənədin qəbul edilməsi gözlənilir.
“Bu sənədlər 24 mayda bütün gün ərzində hazırlanıb. Səndələrin birini üç ölkənin baş nazirləri tərəfindən hazırlanan kommunikasiyaların açılması ilə bağlıdır. Digəri isə İlham Əliyev, Putin və Nikol Paşinyan arasında sayca beşinci birgə bəyanatı olacaq”, - nəşr yazır.
Məqalədə qeyd olunur ki, sənədlərin qəbulu Moskvaya 2020-ci ilin payızında İkinci Qarabağ müharibəsi bitdikdən sonra Rusiyanın vasitəçilik fəaliyyəti zamanı konkret işlər görməsini, o cümlədən Cənubi Qafqazda müstəsna rola malik olduğunu deməyə əsas verir.
