Bakı Şəhər Mənzil Kommunal Təsərrüfat Departamentinin rəisi Rəfail Mehralıyev - “27 sentyabr 2020-ci il Azərbaycan xalqının tarixində ədalətin bərpası günüdür” desək, yanılmarıq. Məhz bu gündən başlandı dövlət sərhədlərimizin bərpasının ilk addımları.
Azərbaycanın ərazi bütövlüyünün təmin edilməsi xalqımızın çoxəsrlik tarixində əhəmiyyətli yer tutur. Sərhədlərimizi bərpa edərək dövlətimiz son əsrdə hərbi və diplomatik sahədə ən böyük qələbəni qazanmışdır. Qələbəmizi əbədiləşdirmək üçün Prezidentimizin də dediyi kimi köçkünlərin yurdlarına qayıtması təmin olunmalıdır.
Vandal düşmən 30 il ərzində işğal olunmuş ərazilərdə nəinki mədəni irsimizə qarşı soyqırım törədib, hətta infrastrukturu “yox” səviyyəsində məhv ediblər. Torpaqlarımızın işğaldan azad olunmasından 1 il ötməsinə baxmayaraq, Prezidentimizin planlı bərpa – quruculuq işləri sürətlə davam edir. Buna misal olaraq, Şuşaya qədər uzanan “Zəfər yolu”nu, “Füzuli Hava limanı”nı, Zəngilan şəhərində tikintisi başa çatmaqda olan Ağalı 1 qəsəbəsini, Prezidentimizin güclü iradəsinin göstəricisi olan “Zəngəzur – Naxçıvan Dəmir Yol xətti”nin inşasını göstərmək olar.
