Zaqatala RPŞ-nin Dövlət Yol Polisi bölməsi əməkdaşlarının üzərinə düşən vəzifə borclarını necə yerinə yetirmələri, bu gün də müəmmalı olaraq qalmaqdadr. Çünki, redaksiyamıza daxil olan bəzi məlumatlara görə Yol Polisi bölməsinin rəisi, polis kapitanı Elgün Əliyev rayon ərazisində avtoşluq edən, sürücülük vəsiqəsi olmadan nəqliyyat vasitələrini idarə edən və digər qanunsuzluqlara qol qoyan şəxslərə qarşı lazımi cəza tədbirləi aparmır, yaxud da aparmaq istəmir. Sən demə, bunun əmmalı bir səbəbi var, o da həmin şəxslərin “aylıq ödəniş” verməyə cəlb olunmalarıdır. Elə ki, belə “bezpredel” vəziyyətlə əlaqədar polis kapitanı Elgün Əliyevə sual verib cavab əldə etmək istəyirik, o halda o, “Bilirsiniz, onların hamısı qazilərdir. Biz onların öhdəsindən gələ bilmirik. Düzdür, lazımi tədbirimizi görüb iş materiallarını məhkəməyə göndərsək də, onları məhkəmədən sərbəst buraxırlar” deyir. Bu yöndə tərəfimizdən müəyyən araşdırmalar apardıqda o da bəlli oldu ki, səndemə polis kapitanı cənab Elgün Əliyevin danışdıqları “vozdux”dan başqa bir şey deyil. Yəni, həmin şəxslər “aylıq ödəniş” verməyə cəlb olunanlardır və o, qazi adından istifadə etməklə, bir növ özünü sığortalamağa çalışır. Atalar demişkən “Yalan ayaq tutar, amma yeriməz”.
Bu yöndə daha geniş araşdırmamız olacaq. Bizi izləyin.
